Túrkistan oblysynyń turǵyndary 100% koronavirýsqa qarsy vaktsina aldy, dep habarlaidy QazAqparat Túrkistan oblysy sanitariialyq-epidemiologiialyq baqylaý departamentiniń baspasóz qyzmetine silteme jasap.
Túrkistan oblysy ekpe saldyrý kórsetkishi boiynsha aldyńǵy úshtik qatarynda.
Óńir epidemiologtarynyń zerdeleýine sáikes, jappai vaktsina alýdyń arqasynda koronavirýs infektsiiasyn juqtyrǵan azamattar aýrýdy jeńil ótkerip, ólim sanyn azaitýǵa aitarlyqtai septigin tigizip otyr.
Oblysta Covid-19 infektsiiasyna qarsy vaktsina saldyrýǵa jatatyn azamattardyń sany - 1 mln 046 130.
Oblysta vaktsina saldyrý naýqany bastalǵan 2021 jyldyń aqpan aiynan búgingi kúnge deiin, I-komponentti saldyrǵandar sany 100% jetti.
Al, vaktsinanyń II komponentin alǵan turǵyndar sany 98,7% qurap otyr.
Óńir epidemiologtary «joǵarydaǵy kórsetkish karantin talaptaryn saqtamaýǵa bolady degendi bildirmeidi» deidi.
Sebebi, 15 qańtar kúngi epidemiologiialyq baǵalaý matritsasy boiynsha Túrkistan oblysy «jasyl» aimaqtan «sary» aimaqqa endi.
Sondyqtan epidemiologtar turǵyndardy revaktsinatsiialanýǵa shaqyryp otyr.
Búginde Túrkistan oblysynda revaktsina alǵandar sany 58 809-ǵa jetti.
