Foto: TJM baspasóz qyzmeti
Tolassyz jaýǵan jańbyr men qardyń erýinen Túrkistan oblysynyń eki qalasy men birneshe aýdanyn sý basty, - dep habarlaidy "Ult aqparat" QR TJM baspasóz qyzmetine silteme jasap.
Vedomstvo málimetinshe, 2 aqpanda tańerteń tolassyz jaýǵan jaýyn-shashyn jáne taýly aimaqtardaǵy qardyń erýinen sý deńgeii kóterilgen. Sonyń saldarynan Kentaý men Túrkistan qalalarynda, Báidibek, Ordabasy, Saýran aýdandarynda aýlalar men kóshelerdi sý basqan. Qaza tapqandar men zardap shekkender joq.
Qazirgi tańda tótenshe jaǵdai bólimi qyzmetkerleri jáne jergilikti atqarýshy organdardyń kúshterimen úilerdi sý basýyna jol bermeý maqsatynda jańbyr sýyn sorý jáne aǵyzý, sondai-aq aryqtardy tazalaý jumystary júrgizilip jatyr.
Jumysqa Túrkistan oblysy Tótenshe jaǵdailar departamentinen 56 qyzmetker, 10 birlik tehnika jáne 20 motopompa jumyldyrylǵan.
Sonymen qatar, kóshelerdi, úilerdiń aýlalaryn sý basý faktisine bailanysty TJD jedel jelisi iske qosylyp, turǵyndar tarapynan habarlamalar túsken jaǵdaida shuǵyl is-sharalar atqarylyp jatyr.
Video: Tengrinews.kz
