Foto: Ashyq derekkóz
Túrkistan oblysy ákiminiń tapsyrmasymen «Óńirdiń jumyspen qamtý kartasy» aiasynda biyl 118,9 myń jumys ornyn ashý josparlanǵan. 2024 jyldyń qańtar-shilde ailarynda 68,5 myń adam jumyspen qamtylyp, qazirgi tańda jospar 58%-ǵa oryndaldy. Bul týraly brifingte oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva málimdedi, dep habarlaidy "Ult aqparat" Túrkistan oblysynyń Óńirlik kommýnikatsiialar qyzmetine silteme jasap.
«Jyl basynan 31 myń adam turaqty jumys ornymen, 37,5 myń adam sýbsidiialanǵan ýaqytsha jumys ornymen, 1 500 adam Ulttyq jobalar men Tujyrymdamalar boiynsha ashylǵan jumys oryndarymen qamtyldy. Budan bólek, jańa biznes jobalardy iske asyrý maqsatynda aǵymdaǵy jyldyń 1-2 leginde 5 388 adamnan ótinim túsip, komissiia sheshimine sáikes 1 783 adamǵa grant berildi. Sondai-aq, 2024 jylǵy 1 tamyzdaǵy jaǵdaimen 14 160 otbasyǵa, iaǵni 84 860 adamǵa ataýly áleýmettik kómek taǵaiyndaldy. 2023 jyldyń tiisti kezeńimen salystyrǵanda az qamtylǵan azamattardyń sany 41,9%-ǵa tómendedi. Oblysta múgedektigi bar azamattarǵa áleýmettik qoldaý kórsetý úshin barlyq deńgeidegi biýdjetter esebinen 13,4 mlrd. teńge bólindi. Túrkistan oblysynyń jumyspen qamtýdy úilestirý jáne áleýmettik baǵdarlamalar basqarmasyna qarasty arnaýly áleýmettik qyzmetter kórsetýge arnalǵan 12 ortalyq bar. Onyń ishinde, 4 statsionarlyq úlgidegi jáne 6 jartylai statsionarlyq úlgidegi mekemeler,«Ardagerler úii» men «Arnaýly kásiptik kolledji» bar, - dedi basqarma basshysy.
Sonymen qatar, soltústik óńirlerge qonys aýdarý boiynsha biyl jeti aida Túrkistan oblysynan 165 otbasy qonys aýdarǵan. Budan ózge, jyl basynan oblysqa 588 etnikalyq qazaq qonys aýdaryp, olarǵa «Qandas» mártebesi berilgen. Onyń ishinde: Ózbekstannan 570, Tájikstannan 10, Reseiden 3, basqa memleketterden 5 adam kelgen.
