Foto: Túrkistan oblysynyń Óńirlik kommýnikatsiia qyzmeti
Bul týraly brifingte Túrkistan oblysy jolaýshylar kóligi jáne avtomobil joldary basqarmasynyń basshysy Qýatjan Jumataev málimdedi, dep habarldaidy «Ult aqparat».
Spikerdiń sózinshe, 2024 jyly oblys kóleminde 1 100,3 shaqyrym jol men kóshelerge qurylys-jóndeý jumystary júredi. Al, jyl qorytyndysymen 546,6 shaqyrym jol paidalanýǵa beriledi dep josparlanǵan.
«Qazirgi tańda oblystyq mańyzy bar 368,1 shaqyrym jolǵa qurylys-jóndeý jumystary júrýde. Al aýdandyq mańyzy bar 97,3 shaqyrym jolǵa kúrdeli jáne ortasha jóndeý jumystary júrip jatyr. Sondai-aq, eldi mekenderdegi 630,6 shaqyrym jol jóndeý jumystarymen qamtylýda. Atqarylyp jatqan jumystardyń sapasy - tehnikalyq qadaǵalaýshy mekemelerden bólek, Ulttyq sapa ortalyǵynyń Túrkistan oblystyq filialynyń turaqty baqylaýynda. Sondai-aq, basqarmanyń sharýashylyq júrgizý quqyǵyndaǵy «Ońtústik joldary» mekemesi jyl boiyna oblystyq mańyzy bar avtomobil joldaryn kútip ustaý jumystarymen ainalysady. Kásiporynǵa 39 birlik arnaiy tehnika bekitilgen jáne 174 qyzmetker jumys isteidi», - dedi basqarma basshysy.
Budan bólek, 2024 jyly kóktemgi jaýyn saldarynan Saýran aýdanynda Babaiqorǵan-Kentaý baǵytyndaǵy 2 kópirdi sý shaiyp, 1 kópir apatty jaǵdaiǵa jetken bolatyn. Basqarma tarapynan qalpyna keltirý jumystary atqarylyp, kópirler tolyq paidalanýǵa berilgen.
