Túrkistan oblysynda báisheshek búr jardy, dep habarlaidy QazAqparat tilshisi.
Báidibek aýdanyndaǵy Boraldai taýynyń aimaǵynda báisheshek búr jardy. Bul týraly aqparatty «Syrdariia-Túrkistan» memlekettik óńirlik tabiǵi saiabaǵy KMM Boraldai filialynyń direktory Baqytjan Qyryqbai esimdi turǵyn áleýmettik jelige jariialady. Sýretterin ornalastyryp, kópshilikten súiinshi surady.
Al, pikir bildirýshi oqyrmandar bul jańalyqty jaqsylyqqa balap otyr. Máselen, Abai Júndibaev esimdi azamat, «Elimiz jańa dáýirdi bastaǵaly tur. "Qoi ústine boztorǵai jumyrtqalaidy" degen ańyzdar endi kelgeli tur» - dep jazdy.
Al, Aigúl Sherniiazdan esimdi jeli qoldanýshysy dendrosaiabaqta magnoliia búrshik jarǵanyn jetkizdi.
Jalpy turǵyndar men jeli qoldanýshylary eldegi qiyn qystaý sátte báisheshektiń búr jarǵanyn jaqsylyqqa balap otyr.
