© Fotolia / oldbunyip
Túrkistan oblysynda basqarma basshysynyń orynbasary para aldy degen kúdikke ilindi, - dep habarlaidy "Ult aqparat" Sybailas jemqorlyqqa qarsy is-qimyl agenttigine silteme jasap.
"Túrkistan oblysy boiynsha Sybailas jemqorlyqqa qarsy qyzmet «Bizneske jol» jobasyn iske asyrý aiasynda Tsifrlandyrý, memlekettik qyzmetter kórsetý jáne muraǵattar basqarmasy basshysy orynbasarynyń mindetin atqarýshyǵa qatysty sotqa deiingi tergeý júrgizip jatyr.
Ol memlekettik organdardy aqparattandyrý jáne tsifrlandyrý qyzmetterin kórsetýge, oryndalǵan jumystar aktilerine kedergisiz qol qoiý boiynsha memlekettik satyp alý týraly shartty jasasqany úshin 10 mln teńge somasynda para aldy degen kúdikke ilindi. Sharttyń jalpy somasy 280 mln teńgeni quraidy" - delingen habarlamada.
Antikor málimetinshe, kúdikti tergeý sotynyń sanktsiiasymen qamaýǵa alynǵan.
Sotqa deiingi tergep-tekserý jalǵasyp jatyr.
Qylmystyq-protsestik kodeksiniń 201-babyna sáikes ózge de aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
