2022 jylǵy 13 jeltoqsanda Túrkistan oblystyq máslihatynyń kezekti on toǵyzynshy sessiiasy ótti. Sessiia jumysynda 24 másele qaraldy, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jetinshi shaqyrylymdaǵy oblystyq máslihattyń kezekti on toǵyzynshy sessiiasynyń jumysyna oblys ákimi Satybaldy Darhan Satybaldy, oblys ákimdiginiń músheleri, qala, aýdan ákimderi men máslihat hatshylary, oblystyń memlekettik organdarynyń basshylary, oblystyq sailaý komissiiasynyń tóraǵasy, oblystyq qoǵamdyq uiymdar tóraǵalary, sondai-aq buqaralyq aqparat quraldarynyń ókilderi qatysty.
Sessiia jumysyn oblystyq máslihat hatshysy Qairat Balabiev júrgizdi.
Sessiiada Túrkistan oblysy biýdjetiniń kiris bóligin tolyqtyrý jáne tabystyń ósýiniń jańa rezervterin anyqtaý boiynsha atqarylǵan jumystar týraly memlekettik kirister departamenti basshysynyń orynbasary Erkin Elshibekovtiń jáne Túrkistan oblysy politsiia departamentiniń Túrkistan oblysynda qoǵamdyq qaýipsizdikti jáne quqyq tártibin qamtamasyz etý boiynsha atqarǵan jumystary týraly Túrkistan oblysy Politsiia departamentiniń bastyǵy Murat Qabdenovtiń esepteri tyńdaldy.
Sonymen qatar kún tártibindegi basty máselelerdiń biri «2023-2025 jyldarǵa arnalǵan oblystyq biýdjet týraly» oblystyq ekonomika jáne strategiialyq damý basqarmasynyń basshysy Q.Qaiypbek baiandama jasady.
Sessiiada mańyzdy máseleniń biri sheshimin tapty. Ol – óńirdegi balabaqsha qyzmetkerleriniń jalaqy qaryzy. Tárbielenýshi balalardyń kontingent sanyna bailanysty jyl sońyna qosymsha qarjy qajettiligi týyndaǵan. Atalǵan másele oblys ákiminiń baqylaýyna alynyp, búgingi oblystyq máslihat sessiiasynda qaraldy. Tiisti qarjylar oblystyq adami áleýetti damytý basqarmasyna tolyǵymen bólindi. Bereshek qarjylar boiynsha tólem 2022 jyldyń 25 jeltoqsanyna deiin júrgiziletin bolady.
Depýtattar Túrkistan oblysy ákimdiginiń derbes quramyndaǵy ózgeristerdi kelisý týraly máselesin de qarady. Bul rette Túrkistan oblystyq máslihatynyń 2022 jylǵy 13 jeltoqsandaǵy № 19/235-VII «Túrkistan oblysynyń basqarý shemasy týraly» sheshimine sáikes, Túrkistan oblysynyń ákimdigi Qaýly shyǵardy.
Budan bylai «Túrkistan oblysynyń mádeniet basqarmasy» memlekettik mekemesi jáne «Túrkistan oblysynyń týrizm basqarmasy» memlekettik mekemesi biriktirý jolymen «Túrkistan oblysynyń mádeniet jáne týrizm basqarmasy» memlekettik mekemesi bolyp;
2) «Túrkistan oblysynyń memlekettik sáýlet-qurylys baqylaýy basqarmasy» memlekettik mekemesi jáne «Túrkistan oblysynyń eńbek inspektsiiasy jónindegi basqarmasy» memlekettik mekemesi biriktirý jolymen «Túrkistan oblysynyń baqylaý jónindegi basqarmasy» memlekettik mekemesi bolyp;
3) «Túrkistan oblysynyń kásipkerlik jáne saýda basqarmasy» memlekettik mekemesi jáne «Túrkistan oblysynyń investitsiia jáne eksport basqarmasy» memlekettik mekemesi biriktirý jolymen «Túrkistan oblysynyń kásipkerlik jáne ónerkásip basqarmasy» memlekettik mekemesi bolyp, qaita uiymdastyrylady.
2. «Túrkistan oblysynyń aýyl sharýashylyq basqarmasy» memlekettik mekemesi:
1) «Túrkistan oblysynyń aýyl sharýashylyq basqarmasy» memlekettik mekemesi;
2) «Túrkistan oblysynyń veterinariia basqarmasy» memlekettik mekemesi bolyp bóliný jolymen qaita uiymdastyrylmaq.
Sonymen birge «Túrkistan oblysynyń adami áleýetti damytý basqarmasy» memlekettik mekemesi «Túrkistan oblysynyń bilim basqarmasy» memlekettik mekemesi bolyp; «Túrkistan oblysynyń qoǵamdyq densaýlyq basqarmasy» memlekettik mekemesi «Túrkistan oblysynyń densaýlyq saqtaý basqarmasy» memlekettik mekemesi bolyp atalady. «Túrkistan oblysynyń strategiia jáne ekonomikalyq damý basqarmasy» memlekettik mekemesi «Túrkistan oblysynyń ekonomika jáne biýdjettik josparlaý basqarmasy» memlekettik mekemesi bolyp qaita atalmaq.
Jiynda sondai-aq kadrlyq ózgeristerge bailanysty Túrkistan oblysy ákimdigi janyndaǵy birqatar komissiialar men keńesterdiń quramyna ózgerister engizildi.
Jalpy, sessiia jumysynda qaralǵan máseleler boiynsha máslihat depýtattary tiisti sheshimder qabyldady.
Óz kezeginde oblys ákimi D.Satybaldy sessiia jumysyn qorytyndylap, máslihattyń jumysyna tabys tiledi.
