Túrkistan oblysynyń Túlkibas aýdanynda egde jastaǵy áieldiń ólimine qatysty onyń 40 jastaǵy uly kúdikke ilindi. Bul týraly oblystyq politsiia departamentiniń baspasóz qyzmeti habarlady, dep habarlaidy ult.kz.
Aldyn ala málimet boiynsha, áiel óz úiinen pyshaq jaraqattarymen tabylǵan. Atalǵan derekke bailanysty qylmystyq is qozǵaldy.
Politsiianyń málimetinshe, kúdikti retinde marqumnyń 40 jastaǵy uly ustalyp, qamaýǵa alynǵan. Qylmystyń naqty sebebi ázirge belgisiz.
– Túlkibas aýdany turǵynynyń ólimine bailanysty qylmystyq is qozǵaldy. Kúdikti qamaýǵa alyndy. Qazirgi ýaqytta barlyq mán-jaidy anyqtaýǵa baǵyttalǵan tergeý amaldary júrgizilip jatyr, – dep habarlady Túrkistan oblysy politsiia departamentiniń baspasóz qyzmeti.
Tergeý múddesine bailanysty ózge aqparat jariialanǵan joq.
