Túrkistan oblysynda Táýelsizdik kúni qarsańynda birqatar áleýmettik nysandar ashylyp, turǵyn úiler tapsyryldy, dep habarlaidy QazAqparat tilshisi.
Aimaq basshysy Janseiit Túimebaev aldymen, Ordabasy aýdanyna at basyn buryp, Shubarsý aýylyndaǵy «Medical center Shubarsu» meditsina ortalyǵynyń saltanatty ashylý rásimine qatysty. Qurylysy 2016 jyly bastalǵan nysanda jalpy sany 115 stantsionarlyq tósek oryn bar. Meditsina ortalyǵynda terapiia, pediatriia, hirýrgiia jáne jaraqat bólimi, fizoterapiia jáne ońaltý bólimi, kúndizgi bólim, statsionar, zerthana jáne diagnostika bólimi, jedel járdem stansasy qyzmet kórsetedi. AQSh, Ońtústik Koreia, Majarstan, Japoniia, Germaniia jáne ózge de birqatar sheteldik jáne otandyq zamanaýi meditsinalyq quraldarmen jabdyqtalǵan nysanda 145 adam jumyspen qamtylǵan.
Munan soń, oblys basshylyǵy bastaǵan top aýdan ortalyǵy - Temirlandaǵy «Jastar saraiynyń» ashylýyna qatysty. Búginde 20 shaqty jas mamandy jumyspen qamtyǵan ǵimaratta bolashaqta aýdan jastary túrli úiirmelerge qatysyp, bos ýaqytyn tiimdi paidalanatyn bolady.
«Táýelsizdiktiń torqaly toiynda Ordabasyda halyqqa óte qajetti eki nysan el igiligine berilip otyr. Onyń biri - jańa ózimiz kýá bolǵan meditsinalyq ortalyq bolsa, ekinshisi jastar úshin boi kóterip, jumysyn bastaǵan osynaý eńseli ǵimarat. Barshańyzǵa belgili, keler 2019 jyldy Elbasymyz «Jastar jyly» dep jariialady. Iaǵni, keleshegi kemel jastarymyzǵa memleket tarapynan barlyq jaǵdaidy jasaý jolynda búgingi ortalyqtyń tigizer paidasy mol dep bilemin», - dedi Janseiit Túimebaev.
Oblys ákimi Ordabasyǵa saparynan keiin Kentaý qalasynda jańa páterlerge ie bolǵan jergilikti turǵyndardyń qýanyshymen bólisti. Bul kúni ondaǵy Eski Iqan aýyldyq okrýginde ekiqabatty 10 páterli qyzmettik turǵyn úi tapsyryldy. Sondai-aq Shaǵa aýyldyq okrýgine qarasty Yntymaq aýylynda da 10 páterli eki turǵyn úidiń kiltteri berildi. Osylaisha Kentaýda jalpy sany 30 páter óz ielerine tabystaldy. Baspanaly bolǵan halyqpen kezdesýde oblys ákimi meiram qarsańynda mundai baspanalardyń taǵy 300-den astamy turǵyndarǵa tabystalǵanyn jetkizdi.
