Túrkistan oblysynda birneshe aqbóken atqan brakonerler ustaldy, dep habarlaidy "Ult aqparat" óńirlik Politsiia departamentiniń baspasóz qyzmetine silteme jasap.
Túrkistan oblysy PD Jergilikti politsiia qyzmeti basqarmasynyń tabiǵatty qorǵaý inspektorlary jáne «Ohotzooprom» qyzmetkerleri «Ýyldyryq» is-sharasy kezinde olar «Qyzyl kitapqa» engen aqbókenderdi zańsyz atyp alǵan brakonerlerdi qolǵa túsirdi.
Túrkistan oblysy PD JPQ-nyń bastyǵy politsiia polkovnigi Ulyqbek Myltyqovtyń aitýynsha, birlesken reidtik shara kezinde politseiler kúdikti bolǵan mototsikl júrgizýshisi men jolaýshysyn baiqaidy.
Seziktilerdiń sońdarynan qýyp, toqtatady. Tekserý júrgizý kezinde eki er azamattyń zańsyz ań atyp alǵandyǵyn anyqtaidy. Iaǵni olardan «Qyzyl kitapqa» engen 8 aqbókenniń tutastai eti alyndy. Sondai-aq 1 tirkelmegen ańshy myltyǵy men 14 aqbókenniń múiizi tárkilendi.
Ustalǵan eki azamattyń Sozaq aýdanynyń jergilikti turǵyndary ekeni anyqtaldy. Olar Sozaq aýdandyq politsiia bólimine jetkizilip, qamaýǵa alyndy.
Qazirgi ýaqytta kúdiktilerge qatysty QR QK-niń 339-babynyń 2 bóligi «Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý» jáne QR QK-niń 337-babynyń 4 bóligi «Zańsyz ańshylyq» boiynsha sotqa deiingi tergep-tekserý amaldary júrgizilýde.
