Túrkistan oblysynda Almaty akademiiasyn bitirip kelgen túlekterge shen tapsyrý rásimi ótti. 40-tan astam kýrsant politsiia leitenanty atandy, dep habarlaidy "Ult aqparat".
QR IIM M.Esbolatov atyndaǵy Almaty akademiiany aiaqtap, diplomdaryn qoldaryna alǵan túlekterge shen tapsyrý rásimi karantin talaptaryn saqtai otyryp, ótkizildi. Oblystyq Politsiia departamentiniń bastyǵy, politsiia general-maiory Qairat Dálbekov jas mamandarǵa sáttilik tiledi.
«Búgin sizder qaýipsizdik pen turǵyndardyń tynysh uiqysyn qamtamasyz etetin jaýapty qyzmetker atanyp otyrsyzdar. Bul siderdiń úlken qýanyshtaryńyz. Sizder búginnen bastap politseisizder. Iyqtaryńyzǵa taǵylǵan juldyzsha ózindik jaýapkershilikti júkteidi. Sondyqtan aldaǵy ýaqytta qyzmetterińizge tek sáttilik tileimin. Árqashan Otanymyz Qazaqstan úshin adal eńbek etip, biik belesterdi baǵyndyra berińizder! Qylmys sanynyń azaiýy men turǵyndardyń amandyǵy jolynda kúsh-qýattaryńyz arta bersin. Elim, jerim deitin patriot politsei bolyńyzdar!» - dedi TO PD bastyǵy politsiia general-maiory Qairat Dálbekov.
Shara sońynda shen taqqan jas leitenanttar sap túzep, sherý ótkizdi.
