تٷركٸستان وبلىسىندا الماتى اكادەميياسىن بٸتٸرٸپ كەلگەن تٷلەكتەرگە شەن تاپسىرۋ رەسٸمٸ ٶتتٸ. 40-تان استام كۋرسانت پوليتسييا لەيتەنانتى اتاندى, دەپ حابارلايدى "ۇلت اقپارات".
قر ٸٸم م.ەسبولاتوۆ اتىنداعى الماتى اكادەمييانى اياقتاپ, ديپلومدارىن قولدارىنا العان تٷلەكتەرگە شەن تاپسىرۋ رەسٸمٸ كارانتين تالاپتارىن ساقتاي وتىرىپ, ٶتكٸزٸلدٸ. وبلىستىق پوليتسييا دەپارتامەنتٸنٸڭ باستىعى, پوليتسييا گەنەرال-مايورى قايرات دەلبەكوۆ جاس ماماندارعا سەتتٸلٸك تٸلەدٸ.
«بٷگٸن سٸزدەر قاۋٸپسٸزدٸك پەن تۇرعىنداردىڭ تىنىش ۇيقىسىن قامتاماسىز ەتەتٸن جاۋاپتى قىزمەتكەر اتانىپ وتىرسىزدار. بۇل سٸدەردٸڭ ٷلكەن قۋانىشتارىڭىز. سٸزدەر بٷگٸننەن باستاپ پوليتسەيسٸزدەر. يىقتارىڭىزعا تاعىلعان جۇلدىزشا ٶزٸندٸك جاۋاپكەرشٸلٸكتٸ جٷكتەيدٸ. سوندىقتان الداعى ۋاقىتتا قىزمەتتەرٸڭٸزگە تەك سەتتٸلٸك تٸلەيمٸن. ەرقاشان وتانىمىز قازاقستان ٷشٸن ادال ەڭبەك ەتٸپ, بيٸك بەلەستەردٸ باعىندىرا بەرٸڭٸزدەر! قىلمىس سانىنىڭ ازايۋى مەن تۇرعىنداردىڭ اماندىعى جولىندا كٷش-قۋاتتارىڭىز ارتا بەرسٸن. ەلٸم, جەرٸم دەيتٸن پاتريوت پوليتسەي بولىڭىزدار!» - دەدٸ تو پد باستىعى پوليتسييا گەنەرال-مايورى قايرات دەلبەكوۆ.
شارا سوڭىندا شەن تاققان جاس لەيتەنانتتار ساپ تٷزەپ, شەرۋ ٶتكٸزدٸ.
