Aǵymdaǵy jylǵy 23 qarashada sybailas jemqorlyqqa qarsy mádenietti qalyptastyrý baǵytynda uiymdastyrylyp, oblys aýmaǵynda júrip ótken sybailas jemqorlyqqa qarsy «Adal jol - Chestnyi pýt» marafony jańa oblys ortalyǵy Túrkistan qalasynda óz máresine jetti.
Is - sharaǵa Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl Agenttiginiń Túrkistan oblysy boiynsha Departament basshysy Ǵalym Sultanuly Tursynbaev arnaiy qatysyp, Túrkistan qalasynyń ákimi Á.Óserbaevtan estafetany qabyldap aldy.
Jiynda sóz sóilegen Departament basshysy Ǵ.Tursynbaev estafeta ótkizýdiń maqsaty - memlekettiń sybailas jemqorlyqqa qarsy saiasatynyń tiimdiligin arttyrý, sybailas jemqorlyqtyń kez kelgen kórinisine «múldem tózbeýshilik» ahýalyn jasaý arqyly sybailas jemqorlyqqa qarsy qozǵalysqa búkil qoǵamdy tartý jáne sybailas jemqorlyq deńgeiin tómendetý ekenin atap ótip, «Adal jol - Chestnyi pýt» sybailas jemqorlyqqa qarsy marafonyna belsene qatysqan birqatar azamattarǵa Alǵys hattar tapsyrdy.
Aita keteiik, «Adal jol - Chestnyi pýt» sybailas jemqorlyqqa qarsy marafony óńirimizde alǵash ret ótkizilýde. Oǵan qala, aýdandardaǵy jergilikti atqarýshy organdarynyń qoldaýymen barlyq maqsatty toptardyń belsendiligimen ótýde.
Marafon aiasynda Túrkistan qalasynda jalpy 70-ke jýyq is-sharalar túrli formatta, iaǵni, seminar-keńes, pikirtalas alańdary, dóńgelek ústel, kezdesý, velosherý, avtosherý, sporttyq jáne mádeni sharalar uiymdastyryldy. Bul sharalarǵa jalpy 10 myńnan asa turǵyn qatysty.
Esterińizge salsaq, marafon Shardara aýdanyna bastaý alyp ári qarai, Maqtaral, Saryaǵash, Qazyǵurt, Sairam, Túlkibas, Tólebi, Ordabasy, Arys, Otyrar, Kentaý jáne Sozaq, Báidibek aýdandarynda ótti.
Marafonnyń sońǵy forýmy, iaǵni jeńimpazdardy marapattaý rásimi 9 jeltoqsanda Halyqaralyq jemqorlyqqa qarsy kúres kúni qarsańynda ótetin bolady.
