Túrkistan oblysy Báidibek APB-ne jergilikti turǵynnan mal urlyǵyna qatysty habarlama kelip túsedi. Aryzdanýshynyń málimdeýi boiynsha, qorasynan belgisiz bireýler onyń 82 bas usaq malyn qoldy etken, dep habarlaidy oblystyq PD baspasóz qyzmeti.
Jábirlenýshige keltirilgen shyǵynnyń jalpy quny 3 jarym million teńgege jýyq. Bolǵan jaitty politseiler tez arada QR QK 188-baby «urlyq» boiynsha sotqa deiingi tergep-tekserý tizilimine tirkeidi.
Atalǵan mal urlyǵy qylmysyn jedel ashý maqsatynda Túrkistan oblysy Politsiia departamentiniń Báidibek APB qyzmetkerlerinen jedel-izdestirý toby qurylady. Bilikti politseiler jaqyn mańnyń barlyǵyn aralap, mal tasymaldaityn avtokólikterdi tekserip, kýágerlerden suraq-jaýaptar alyp, aimaqty tintip shyǵady. Sonyń nátijesinde mal urlyǵyna qatysy bar kúdikti tulǵa men onyń kólikke mal tiegeni anyqtalady. Alaida urlyq qylmysyna qatysty tulǵa turǵylyqty mekenjaiynda bolmai shyǵady. Kúdikti birneshe aidan soń Nur-Sultan qalasynda qydyryp júrgen jerinen ustaldy.
Qazirgi tańda ol qamaýda. Ustalǵan azamat Báidibek aýdanynyń jergilikti turǵyny. Buryn sońdy birneshe ret mal urlyǵy boiynsha sotty bolǵan. Tergeý barysy kórsetkendei, kúdikti urlaǵan maldarynyń barlyǵyn satyp, aqshany óz qajettiligine jaratyp jibergen.
Tergep-tekserý amaldary áli de jalǵasýda. Is aiaqtalǵan soń, qujattardyń barlyǵy tolyǵymen sotqa joldanatyn bolady.
