تٷركٸستان وبلىسى بەيدٸبەك اپب-نە جەرگٸلٸكتٸ تۇرعىننان مال ۇرلىعىنا قاتىستى حابارلاما كەلٸپ تٷسەدٸ. ارىزدانۋشىنىڭ مەلٸمدەۋٸ بويىنشا, قوراسىنان بەلگٸسٸز بٸرەۋلەر ونىڭ 82 باس ۇساق مالىن قولدى ەتكەن, دەپ حابارلايدى وبلىستىق پد باسپاسٶز قىزمەتٸ.
جەبٸرلەنۋشٸگە كەلتٸرٸلگەن شىعىننىڭ جالپى قۇنى 3 جارىم ميلليون تەڭگەگە جۋىق. بولعان جايتتى پوليتسەيلەر تەز ارادا قر قك 188-بابى «ۇرلىق» بويىنشا سوتقا دەيٸنگٸ تەرگەپ-تەكسەرۋ تٸزٸلٸمٸنە تٸركەيدٸ.
اتالعان مال ۇرلىعى قىلمىسىن جەدەل اشۋ ماقساتىندا تٷركٸستان وبلىسى پوليتسييا دەپارتامەنتٸنٸڭ بەيدٸبەك اپب قىزمەتكەرلەرٸنەن جەدەل-ٸزدەستٸرۋ توبى قۇرىلادى. بٸلٸكتٸ پوليتسەيلەر جاقىن ماڭنىڭ بارلىعىن ارالاپ, مال تاسىمالدايتىن اۆتوكٶلٸكتەردٸ تەكسەرٸپ, كۋەگەرلەردەن سۇراق-جاۋاپتار الىپ, ايماقتى تٸنتٸپ شىعادى. سونىڭ نەتيجەسٸندە مال ۇرلىعىنا قاتىسى بار كٷدٸكتٸ تۇلعا مەن ونىڭ كٶلٸككە مال تيەگەنٸ انىقتالادى. الايدا ۇرلىق قىلمىسىنا قاتىستى تۇلعا تۇرعىلىقتى مەكەنجايىندا بولماي شىعادى. كٷدٸكتٸ بٸرنەشە ايدان سوڭ نۇر-سۇلتان قالاسىندا قىدىرىپ جٷرگەن جەرٸنەن ۇستالدى.
قازٸرگٸ تاڭدا ول قاماۋدا. ۇستالعان ازامات بەيدٸبەك اۋدانىنىڭ جەرگٸلٸكتٸ تۇرعىنى. بۇرىن سوڭدى بٸرنەشە رەت مال ۇرلىعى بويىنشا سوتتى بولعان. تەرگەۋ بارىسى كٶرسەتكەندەي, كٷدٸكتٸ ۇرلاعان مالدارىنىڭ بارلىعىن ساتىپ, اقشانى ٶز قاجەتتٸلٸگٸنە جاراتىپ جٸبەرگەن.
تەرگەپ-تەكسەرۋ امالدارى ەلٸ دە جالعاسۋدا. ٸس اياقتالعان سوڭ, قۇجاتتاردىڭ بارلىعى تولىعىمەن سوتقا جولداناتىن بولادى.
