Túrkistan oblysynda aǵymdaǵy jyly «7-20-25» baǵdarlamasy negizinde 6 kópqabatty turǵyn úidiń qurylysy júrgizilýde. Bul týraly óńirlik kommýnikatsiialar qyzmetinde ótken brifingte oblystyq qurylys basqarmasynyń basshysy Quttybek Jamashev málim etti, dep habarlaidy "Ult aqparat".
Basqarma basshysynyń sózinshe, jeke salýshylar arqyly júzege asyrylyp jatqan nysandar 360 páterli bolady. Jalpy aýmaǵy - 18,6 myń sharshy metrdi quraidy. Atalǵan úiler 2019 jyly paidalanýǵa beriledi dep kútilýde.
Sonymen qatar, 2018 jyly oblysta 172 investitsiialyq jobanyń iske asyrylýyna 30,6 mlrd.teńge qaralǵan. Jyl sońyna deiin 71-in paidalanýǵa tapsyrý josparlansa, búgingi tańda 11 nysannyń qurylysy aiaqtalyp paidalanýǵa berilgen. Qalǵan 101 nysannyń qurylysy 2019 jylǵa ótedi.
«Áleýmettik sala boiynsha bilim berý salasyna jalpy 83 nysan qurylysyna 15,9 mlrd. teńge qaralǵan. Onyń ishinde respýblikalyq biýdjetten qurylysy josparlanǵan 16 mekteptiń biyl 12-in tapsyrý kózdelgen. Qalǵan 4 nysannyń qurylysy 2019 jylǵa ótedi. Al oblystyq biýdjetten qaralǵan 11,5 mlrd. teńgege 67 nysan qurylysyn júrgizip, onyń ishinde aǵymdaǵy jyly 28 nysandy paidalanýǵa berý mejelenip otyr. Qalǵan 39 mekteptiń qurylysy 2019 jylǵa ótedi», - dedi Quttybek Rahmattýllauly.
Budan ózge, densaýlyq saqtaý salasynda 11 nysannyń qurylys jumystary júrgizilip, 2018 jyly 1 dárigerlik ambýlatoriiany paidalanýǵa berý josparlanǵan. Qalǵan 10 nysan 2019 jylǵa ótedi. Mádeniet salasynda 2 mádeniet úii men 1 murajaiǵa qosymsha nysannyń qurylysy júrgizilip, búgingi tańda 2 nysan paidalanýǵa berilgen. Sport salasynda 3 nysan qurylysy júrgizilýde, jyl sońyna deiin barlyǵy paidalanýǵa beriletin bolady.
