Kórneki sýret: elements.envato.com
Túrkistan oblysynyń Tóle bi aýdanynda 6-shy synyp oqýshysy 5-shi synyp oqýshysyn zorlady degen kúdikke ilindi, dep habarlaidy Sputnik Qazaqstan.
Jábir kórgen balanyń anasy "Nemolchi" qorynan kómek suraǵan. Ol mektepte jumys istegen. Aitýynsha, mektep ákimshiligi jábirlenýshiniń anasyna kelip, shýlatpaýyn suraǵan. Mundai ádiletsizdikke shydamaǵan otbasy aýyldan kóship ketken.
"Jábir kórgen oqýshynyń anasy saraptama qorytyndysy burmalana ma dep qaýiptenedi. Óitkeni zorlyq jasaǵan oqýshynyń týǵan aǵasy Túrkistan oblysynda bedeldi dárigerlerdiń biri kórinedi", - deidi qor basshysy Dina Tańsári.
Al oblystyq politsiia departamentiniń málimetinshe, bul másele tikelei basshylyq nazarynda.
"29 naýryzda Tólebi aýdandyq politsiia bólimine jergilikti turǵyn aryzdanyp, aýdannyń kámeletke tolmaǵan turǵyny ulyna qatysty jynystyq sipattaǵy is-áreketter jasaǵanyn habarlady. Bul fakt QR QK 121-baby 3-1-bóligi – "Seksýaldyq sipattaǵy zorlyq-zombylyq áreketteri" boiynsha tirkeldi", - dep málimdedi Túrkistan oblystyq politsiia departamentiniń baspasóz qyzmeti.
Oqiǵa ornyna jedel-tergeý toby kelip, barlyq qajetti is-sharalardy ótkizgen. Birqatar tiisti saraptama taǵaiyndaldy, olardyń nátijesi boiynsha zańdy protsessýaldyq sheshim qabyldanady.
"Bul másele Túrkistan oblysy politsiia departamenti basshylyǵynyń jeke baqylaýynda", - dep túiindedi vedomstvo.
