Foto: qandastar.kz
Elge kelýshiler Saryaǵash, Ordabasy, Qazyǵurt, Keles, Sairam, Jetisai, Túlkibas, Maqtaral, Shardara aýdandary men Arys jáne Túrkistan qalasyna qonystanǵan. Bul týraly oblystyq Jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva málimdedi.
Óńirge jyl basynan beri 339 otbasy, 588 etnikalyq qazaq qonys aýdarǵan. Onyń 570-i Ózbekstannan bolsa, 10-y Tájikstannan kelgen. Al 3 adam Reseiden kóship kelse, basqa memleketterden 5 adam qonys aýdarǵan. Al osy jyldyń jeti aiynda Túrkistan oblysynan 165 otbasy nemese 599 adam elimizdiń Soltústik aimaqtaryna qonys aýdarǵan.
«Eńbek jáne halyqty áleýmettik qorǵaý ministrligi 2024 jylǵa respýblika boiynsha 7050 kvota bólip, qandastar men qonys aýdarýshylar úshin memlekettik qoldaý kórsetetin 7 oblysty belgiledi. Olardyń ishinde Abai oblysy, Qaraǵandy oblysy, Qostanai oblysy, Pavlodar oblysy, Soltústik Qazaqstan oblysy, Ulytaý oblysy, Shyǵys Qazaqstan oblysy bar. Bólingen kvota negizinde Shyǵys Qazaqstan oblysyna 9 otbasy, Qostanai oblysyna 3 otbasy, Pavlodar oblysyna 78 otbasy, Soltústik Qazaqstan oblysyna 66 otbasy, Qaraǵandy oblysyna 1 otbasy, Abai oblysyna 6 otbasy, Ulytaý oblysyna 2 otbasy kóshti», - dedi Ásiia Temirbaeva.
Sondai-aq, spiker, óńirdegi az qamtylǵan azamattardyń tabystaryn arttyrý baǵytynda atqarylyp jatqan jumystarmen tanystyrdy.
«Oblysta kópbalaly otbasylar sany 185 690 nemese respýblikanyń barlyq kópbalaly analarynyń tórtten bir bóligin quraidy. Az qamtylǵan azamattardyń tabystaryn arttyrý arqyly kedeilikti tómendetý boiynsha jumystar biyl da jalǵasyp jatyr. 2024 jylǵa qarai kedeilik deńgeiin 5,5%-ǵa deiin nemese 2023 jylmen salystyrǵanda 25%-ǵa tómendetýge mejelenip otyr» - dedi basqarma basshysy.
Biyl óńirdegi 116,2 myń adamdy ataýly áleýmettik kómekpen qamtamasyz etýge biýdjetten 9,6 mlrd teńge bólingen. Sondai-aq, kedeilik deńgeiin tómendetý jóninde aýdan, qala ákimderimen memorandýmdar túzilip, ataýly áleýmettik kómek kórsetýdiń 2024 jylǵa toqsan saiynǵy jospary bekitildi.
«Biyl 1 tamyzǵa deiinge málimetterge súiener bolsaq, 14 160 otbasyǵa nemese 84 860 adamǵa ataýly áleýmettik kómek taǵaiyndalyp, kómek alýshylar sany 19 563 adamǵa tómendedi. Bul maqsatqa 4,1 mlrd teńge jumsaldy. Ótken jyldyń tiisti kezeńimen salystyrǵanda az qamtylǵan azamattardyń sany 61 224 adamǵa nemese 41,9% tómendedi», - dedi Ásiia Temirbaeva.
