Foto: Gov.kz
Biyl oblys boiynsha «Óńirlik jumyspen qamtý kartasy» aiasynda 118,9 myń jumys ornyn ashý josparlansa, 47,6 myń jasty jumyspen qamtý kózdeldi. 2024 jyldyń 1 qyrkúiegindegi derek boiynsha naqty 78,8 myń jumys orny ashylyp, onyń ishinde 40,7 myń jas jumyspen qamtyldy (51,6%), dep habarlaidy «Ult aqparat».
Onyń ishinde «Eńbek naryǵyn damytýdyń 2024-2029 jyldarǵa arnalǵan tujyrymdamasy» aiasynda naqty 27 614 jas jumyspen qamtý sharalaryna joldandy (10 829 adam turaqty, 11 752 adam ýaqytsha jumys oryndarymen qamtyldy).
Sýbsidiialanǵan ýaqytsha jumys oryndaryna joldanǵandar ishinde 1644 adam «Alǵashqy jumys orny» jobasyna, 4238 adam «Jastar praktikasy» jobasyna, 4514 adam qoǵamdyq jumystarǵa, 1356 adam áleýmettik jumys oryndaryna joldanǵan. Budan bólek kásipkerlikti qoldaý baǵytynda «Bastaý Biznes» jobasy aiasynda 2841 jas kásipkerlik negizderi boiynsha oqyǵan. Jańa biznes-ideialary úshin óz isin bastaýǵa nietti 748 jasqa grant berilgen.
Sonymen qatar enbek.kz platformasynda suranysqa ie daǵdylardy qoldaný boiynsha mamandyqtarda 1444 jas bilim alyp, sertifikatqa ie bolǵan.
