Oblys turǵyndary tumaýdyń belgilerimen dárigerlik kómekke jii júginýde. Meditsinalyq tekserý nátijesinde naýqastardan pnevmoniia, iaǵni ókpeniń qabynýy anyqtalǵan, dep habarlaidy "Ult aqparat" óńirlik kommýnikatsiialar qyzmetine silteme jasap.
Statistika boiynsha qazirgi tańda Túrkistan oblysy boiynsha provizorlyq aýrýhanalarda 958 naýqas pnevmoniiadan em qabyldap jatyr. Onyń ishinde, Túrkistan qalalyq aýrýhanasynda - 50, Kentaýda - 180 adamǵa em júrgizilýde.
Pnevmoniiadan 198 naýqas jazylyp shyqsa, 1 maýsymnan beri oblys kóleminde 23 adam atalǵan dertten kóz jumdy. Aita ketetini, kórsetkish halyqtyń beiqamdyǵynan kóterilip otyr.
Bul týraly búgin óńirlik kommýnikatsiialar qyzmetinde ótken brifingte oblystyq qoǵamdyq densaýlyq basqarmasynyń basshysy Marat Pashimov málimdedi.
Onyń aitýynsha, áleýmettik jelilerdegi aýrýhanalarda oryn jetispeýshiligi týraly aqparat shyndyqqa janaspaidy. Aýrýhanalarda naýqastarǵa tósek-oryn jetkilikti.
«Qazirgi tańda oblys kóleminde dári-dármek qory men ottegi oryndary jetkilikti. Indetke qajetti antibiotiktardy aldyrýdamyz. Sondai-aq, aýrýhanalarda tósek-oryndar boiynsha tapshylyq joq. Qosymsha oryndar ázirlengen. Máselen, Kentaý qalalyq ortalyq aýrýhanasynda 50 oryndyq somatikalyq bólimshe qaita beiimdelip, qosymsha 200 oryndyq tósek-oryn, 16 ottegi oryndary daiyndaldy. Al Túrkistan qalalyq ortalyq aýrýhanasynda qosymsha 270 tósek-oryn ázirlengen. Oryn alǵan jaǵdaiǵa bailanysty Túrkistan jáne Kentaý qalalarynda naýqastardy josparly jatqyzý toqtatylǵan. HQTÝ, «Akmaral», «Klinika Talǵat» syndy jeke klinikalar da ózderine bekitilgen turǵyndarǵa tiisti meditsinalyq qyzmet kórsetýde», - dedi Marat Orynbasaruly.
