Foto: Túrkistan oblysynyń Óńirlik kommýnikatsiia qyzmeti
Bul týraly brifingte Túrkistan oblysy boiynsha Memlekettik kirister departamentiniń Memlekettik kórsetiletin qyzmet basqarmasynyń basshysy Sáýle Shyrynbekova málimdedi, - dep habarlaidy «Ult aqparat».
Spikerdiń sózinshe ótken jyldyń 3 naýryzynan bastap azamattardan bankrottyq rásimderdi qoldaný týraly aryzdardy qabyldaý bastalǵan. Búginde Túrkistan oblysy boiynsha 13 myńnan astam aryz kelip túsken. Onyń ishinde, 11 401 ótinish bankrottyq rásimderiniń júrgizilý sharttaryna sáikes kelmeýine bailanysty keri qaitarylǵan. Al, 1022 jeke tulǵa bankrot dep tanylǵan. Aryzdar e-Gov jáne e-Salyq Azamat mobildik qosymshasy arqyly qabyldanady.
«Jyl basynan beri jalpy túsken ótinishter sany - 2 854. Onyń ishinde 2 175 ótinish keri qaitarylǵan. Al, 458 ótinishke sottan tys bankrottyq rásim júrgizilip jatyr. Sáikesinshe, ótinish merzimderiniń buzylýyna jol berilmeýi Departament basshylyǵynyń nazarynda. Sonymen qatar, jyl basynan beri sottan tys bankrottyq rásimi boiynsha 21 is sotpen qaralǵan. Sot bankrottyq rásimi qoldanysqa engen kúnnen bastap jalpy 108 aryz sotqa túsken. Onyń ishinde 6 jeke tulǵaǵa bankrot dep taný týraly Sot sheshimi shyqqan. Jalpy memlekettik kirister organdary 15 jumys kún ishinde azamattyń bank, mikroqarjy uiymdary jáne kollektorlyq agenttikter aldynda 5,5 mln.teńgeden aspaityn qaryzynyń bar-joǵyn tekseredi. Odan bólek, boryshtyń ótelmeý merzimi on eki aidan asýyn jáne bankpen, MQU boryshtar boiynsha retteý rásimin júrgizilýin tekseredi. Sonymen qatar, jekelegen azamattardyń bankrottyqty qoldana almaitynynyń taǵy bir sebebi, boryshkerdiń nemese zaiybynyń múlki bolýy jáne jeke kásipker retinde tirkelgendigi»,- deidi Sáýle Ábdáshimqyzy.
