Darhan Satybaldy Túrkistan oblysynyń ákimi bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Darhan Amangeldiuly Satybaldy Túrkistan oblysynyń ákimi bolyp taǵaiyndalsyn, ol Qazaqstan Respýblikasynyń Ózbekstan Respýblikasyndaǵy tótenshe jáne ókiletti elshisi laýazymynan bosatylsyn", - delingen habarlamada.
Darhan Satybaldy 1974 jyly Saryaǵash aýdanynda týǵan.
S.Seifýllin atyndaǵy Aqmola aýyl sharýashylyǵy institýtyn, Qazaq gýmanitarlyq-zań ýniversitetin bitirgen. Mamandyǵy – ekonomist-menedjer, zańger.
Ol Parlament Senatynyń depýtaty bolǵan. 2010-2011 jyldary QR UQK departamentiniń bastyǵy qyzmetin atqardy. 2011-2013 jyldary - premer-ministr keńsesiniń áleýmettik-ekonomikalyq bólimi meńgerýshisiniń orynbasary. 2013 jyldan bastap eki jyl Shymkent qalasynyń ákimi, sonymen qatar 2015-2017 jyldary Ońtústik Qazaqstan oblysy ákiminiń birinshi orynbasary bolǵan.
Darhan Satybaldy 2019 jyly naýryzda Qazaqstannyń Ózbekstandaǵy elshisi bolyp taǵaiyndalǵan edi.
