Koronovirýs infektsiiasyna qarsy vaktsinalaý jumystary jalǵasýda. Óńirge «Gam-KOVID Vak» preparatynyń taǵy 1300 dozasy jetkizildi, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Meditsina qyzmetkerleri koronavirýsqa qarsy «Spýtnik V» vaktsinasyn ekinshi ret qabyldaýda. Óńirde mundai mamandandyrylǵan mekemelerdiń 20 orny ashylǵan.
Budan basqa, «Gam-KOVID Vak» vaktsinasynyń taǵy 8600 dozasyn jetkizý josparlanǵan. Bul eki komponentti preparat, 21 kún aralyǵymen kezeń-kezeńimen engizýdi qamtityn vaktsinatsiia. Ekinshi doza birinshisiniń áserin kúsheitedi jáne bekitedi, adam aǵzasyndaǵy antidenelerdiń sany artady. Osylaisha, bir adamdy immýndaý úshin eki ret egý qajet. Resmi málimetterge sáikes, Túrkistan oblysynda 1300 meditsina qyzmetkeri COVID-19-ǵa qarsy egildi.
Sońǵy táýlikte koronavirýs infektsiiasynyń 4 jaǵdaiy tirkeldi. Táýligine ósim 0.09% quraidy. Pandemiia bastalǵaly barlyǵy KVI-diń 4244 jaǵdaiy tirkeldi, onyń 2723-i simptomsyz ótti. Statsionarlarda 1674 adam emdeldi. Juqpaly aýrýlar aýrýhanalarynda barlyǵy 610 oryn bar, olardyń 516–sy bos.
1 aqpanda Qazaqstanda halyqty erikti túrde kezeń-kezeńmen vaktsinatsiialaý naýqany bastalǵany belgili. Vaktsinany tek QR kámeletke tolǵan azamattary ǵana ala alady. Túrkistan oblysynda KVI-ǵa qarsy vaktsinatsiia 2021 jyldyń sońyna deiin jalǵasady jáne bul halyqtyń 45-50%-yn qamtidy.
