Ulttyq ekonomika ministri Áset Erǵaliev Úkimet otyrysynda Túrkistan oblysynyń áleýmettik-ekonomikalyq damýynyń 2021-2025 jyldarǵa arnalǵan keshendi josparynyń jobasyn tanystyrdy, dep habarlaidy QazAqparat.
«Keshendi jospar investitsiialyq jobalardy iske asyrýdy, kólik jáne injenerlik-kommýnikatsiialyq infraqurylymdy, áleýmettik salany, týrizmdi damytýdy, sondai-aq qoǵamdyq quqyqtyq tártipti qamtamasyz etýdi kózdeitin 142 is-sharadan turady. Jospardy iske asyrýǵa jalpy 3,6 trln teńge, onyń ishinde respýblikalyq biýdjetten – 530,6 mlrd teńge, jergilikti biýdjetten – 348,5 mlrd teńge, jeke investitsiialardan – 2,7 trln teńge qajet», - dedi Áset Erǵaliev.
Ministrdiń aitýynsha, bul qarajattyń bir bóligine 26 ónerkásiptik is-shara josparlanǵan. Onyń ishinde munai óńdeý zaýytyn, himiia keshenin jáne turmystyq tehnikany óndirý zaýytyn salý, sondai-aq «TURKISTAN» arnaiy ekonomikalyq aimaq aýmaǵyn 973 gektarǵa ulǵaitý jobalary bar.
