Ótken jyly 12 óńir investitsiialyq belsendilik kórsetti. Bul týraly Úkimet otyrysynda QR Ulttyq ekonomika ministri Rýslan Dálenov aitty, dep habarlaidy QazAqparat.
«Óńirlerdiń kóbinde joǵary investitsiialyq belsendilik baiqalady. 12 óńir ósim kórsetti, onyń ishinde 5 óńirde 20 paiyzdan 60 paiyzǵa deiin ósim tirkeldi. Eń joǵary kórsetkishter Túrkistan oblysynda jáne Shymkent qalasynda baiqalyp otyr», dedi ol.
Ministrdiń dereginshe, 5 óńirde investitsiialyq belsendiliktiń tómendeýi tirkeldi. Olar: Qyzylorda, Atyraý, Batys Qazaqstan, Qaraǵandy jáne Pavlodar oblystary.
«Tutastai alǵanda, negizgi kapitalǵa 12,3 trln teńge investitsiia tartyldy. Investitsiialar ken óndirý ónerkásibin esepke almaǵanda 14,8 paiyzǵa ósti», - dedi Rýslan Dálenov.
