Túrkistan oblysy oblysy elimizde týý men tabiǵi ósim kórsetkishteri boiynsha kósh bastap tur.
Bul týraly oblystyq Statistika departamentiniń basshysy Aidar Ábildabekov Óńirlik kommýnikatsiialar qyzmetinde ótken brifingte málimdedi, dep habarlaidy "Ult aqparat".
Aidar Ábildabekovtyń aitýynsha, ótken jyldyń qorytyndysymen týý men tabiǵi ósim kórsetkishteri boiynsha óńir respýblika kóleminde alǵashqy birinshi orynda tur. Osy ýaqyt merziminde oblysta 55 845 bala ómirge kelgen.
«2020 jyldyń 1 qańtaryndaǵy esep boiynsha Túrkistan oblysy halqynyń sany — 2 018 116 adamdy qurady. Sonyń ishinde qalalyq jerde — 405 539 adam, aýyldyq jerde — 1 612 577 adam turady. 2019 jylǵy 1 qańtarmen salystyrǵanda halyq sany 36 369 adamǵa nemese 1,8%-ǵa ósken. Óńirde ul balalardyń kóp týylý tendentsiiasy áli de saqtalýda. Orta eseppen 1 000 qyz balaǵa 1 069 ul bala ómirge keldi», - dedi Aidar Ábildabekov.
Sonymen qatar, byltyr kóshi-qonmen oblysqa kelgen halyqtyń sany — 55 385 adamdy quraǵan. Al, oblystan 66 665 adam kóship ketken.
