تٷركٸستان وبلىسى وبلىسى ەلٸمٸزدە تۋۋ مەن تابيعي ٶسٸم كٶرسەتكٸشتەرٸ بويىنشا كٶش باستاپ تۇر.
بۇل تۋرالى وبلىستىق ستاتيستيكا دەپارتامەنتٸنٸڭ باسشىسى ايدار ەبٸلدابەكوۆ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە مەلٸمدەدٸ, دەپ حابارلايدى "ۇلت اقپارات".
ايدار ەبٸلدابەكوۆتىڭ ايتۋىنشا, ٶتكەن جىلدىڭ قورىتىندىسىمەن تۋۋ مەن تابيعي ٶسٸم كٶرسەتكٸشتەرٸ بويىنشا ٶڭٸر رەسپۋبليكا كٶلەمٸندە العاشقى بٸرٸنشٸ ورىندا تۇر. وسى ۋاقىت مەرزٸمٸندە وبلىستا 55 845 بالا ٶمٸرگە كەلگەن.
«2020 جىلدىڭ 1 قاڭتارىنداعى ەسەپ بويىنشا تٷركٸستان وبلىسى حالقىنىڭ سانى — 2 018 116 ادامدى قۇرادى. سونىڭ ٸشٸندە قالالىق جەردە — 405 539 ادام, اۋىلدىق جەردە — 1 612 577 ادام تۇرادى. 2019 جىلعى 1 قاڭتارمەن سالىستىرعاندا حالىق سانى 36 369 ادامعا نەمەسە 1,8%-عا ٶسكەن. ٶڭٸردە ۇل بالالاردىڭ كٶپ تۋىلۋ تەندەنتسيياسى ەلٸ دە ساقتالۋدا. ورتا ەسەپپەن 1 000 قىز بالاعا 1 069 ۇل بالا ٶمٸرگە كەلدٸ», - دەدٸ ايدار ەبٸلدابەكوۆ.
سونىمەن قاتار, بىلتىر كٶشٸ-قونمەن وبلىسقا كەلگەن حالىقتىڭ سانى — 55 385 ادامدى قۇراعان. ال, وبلىستان 66 665 ادام كٶشٸپ كەتكەن.
