Túrkistan oblysyndaǵy aýrýhanalarda 9 myń tósek-orynnyń 25 paiyzy bos tur. Bul týraly oblys ákiminiń orynbasary Sáken Qalqamanov Facebook jelisindegi tikelei efirde málimdedi, dep habarlaidy "Ult aqparat".
Oblys ákimi orynbasarynyń aitýynsha, óńirdegi provizorlyq oryndardyń 15 paiyzyna naýqastardy qabyldaýǵa bolady. Al, Túrkistan oblysyndaǵy 300 provizorlyq oryn kómek retinde Shymkent qalasyndaǵy naýqastarǵa berilgen.
«Óńirdegi 124 jedel járdem kóliginiń 85-i ÓJJ apparattarymen qamtylyp otyr. Al, jalpy aýrýhanalarda 178 ÓJJ apparaty bar. Budan bólek, 10 kompiýterlik tomografiia jumys istep tur. Oblys ortalyǵynda 440 provizorlyq oryn bar. Koronavirýs indeti anyqtalǵan naýqastar Kentaý qalasyna 80 oryndyq infektsiialyq aýrýhanaǵa jatqyzylýda. Túrkistan oblysynda búgingi tańda 1974 adam pnevmoniia dertine shaldyqqan, onyń 1677-si orta deńgeide», - dedi oblys ákiminiń orynbasary.
Sáken Qalqamanov sonymen qatar tikelei efir kezinde turǵyndardy mazalaǵan saýaldarǵa jaýaptar berdi.
«Aýrýhanalarda oryn joq, dári-dármek tapshy degen másele týyndasa, 109 call-ortalyǵyna qońyraý shalyp, naqty jaýap alýǵa bolady. Oblysta dári qory kúndelikti tolyqtyrylyp otyrady. Dári tapshylyǵy turǵyndardyń jappai dári-dármekti kóptep satyp alyp jatqanynan týyndap jatyr. Sondai-aq, shalǵaidaǵy aýyldarda jedel járdem shaqyrý máselesi sheshilgen. Aýyldyq ne aýdandyq bólimshelerdegi mamandar 30 minýtta jetýine múmkindik bar», - dedi oblys ákiminiń orynbasary.
