Túrkistan oblystyq Qazaqstan halqy Assambleiasy Keńesiniń alǵashqy otyrysy ótti.
«Qazaqstan halqy Assambleiasy» ǵimaratynda ótken jiynǵa máslihat depýttary, oblysymyzdaǵy birqatar basqarmalardyń basshylary, quqyq qorǵaý organdarynyń ókilderi, oblystyq etnomádeni birlestikter men dini konfessiialardyń jetekshileri jáne BAQ ókilderi qatysty.
Keńes otyrysynda oblystyq assambleia janyndaǵy qurylymdardyń jańa quramy bekitilip, qolǵa alynatyn aýqymdy bastamalardy iske asyrý máseleleri talqylandy.
Túrkistan oblysy ákimi apparaty «Qoǵamdyq kelisim» KMM basshysynyń mindetin atqarýshy Zańǵarbek Úsipahmetov assambleianyń qyzmeti jáne aldaǵy negizgi mindetteri týraly baiandama jasady.
Kún tártibindegi negizgi másele Túrkistan oblystyq assambleiasy janyndaǵy qoǵamdyq qurylymdardyń jetekshilerin taǵaiyndaý bolatyn. Osy oraida:
-Oblystyq assambleia tóraǵasynyń qoǵamdyq negizdegi orynbasarlyǵyna oblystyq ózbek etnomádeni birlestiginiń tóraǵasy Batdridin Nishankýlov pen iran etnomádeni birlestiginiń tóraǵasy Nýrysbek Kapar-Pýr;
-Qoǵamdyq kelisim keńesiniń tóraǵalyǵyna memleket jáne qoǵam qairatkeri Serik Praliev;
-Analar keńesiniń tóraiymyna Dúisenkúl Jambolova;
-Ǵylymi-sarapshylyq toptyń jetekshiligine oblys ákiminiń keńesshisi, tarih ǵylymdarynyń doktory, professor Sattar Májitov;
-Jýrnalister men blogerler klýbynyń jetekshiligine «Janýbii Qozoǵiston» gazetiniń direktory – bas redaktory Alisher Satybaldiev;
-«Jańǵyrý joly» respýblikalyq jastar qozǵalysy óńirlik shtabynyń jetekshiligine Erkebulan Narbaev;
-Mediatsiia keńesiniń jetekshiligine «Qoǵamdyq kelisim» mekemesiniń sarapshysy Nurjan Meirmanov Baýyrjanuly taǵaiyndaldy.
Kún tártibindegi negizgi máseleler boiynsha Túrkistan oblystyq ózbek etnomádeni birlestik tóraǵasynyń orynbasary Gýlirano Rasýlova, oblystyq slavian etnomádeni birlestiginiń tóraiymy Marina Limarenko, oblystyq iran etnomádeni birlestiginiń tóraǵasy Nýrysbek Kapar-Pýr baiandama jasady.
Keńes otyrysyn qorytyndylai kele, oblys ákiminiń orynbasary Málik Otarbaev Elbasymyzdyń Qazaqstan halqy Assambleiasynyń HHVI sessiiasynda bergen tapsyrmalary Túrkistan oblysynda sapaly oryndalýy qajettigin atap ótti. Sondai-aq Elbasynyń «Uly Dalanyń jeti qyry» atty baǵdarlamalyq maqalasyndaǵy mindetterdi oryndaý boiynsha etnos ókilderin qatystyra otyryp, keshendi is-sharalar josparyn jasaýǵa tapsyrma berdi.
