Turkish Airlines jáne Pegasus Airlines áýe kompaniialarynyń reisteri ashylady, dep habarlaidy "Ult aqparat".
Bul jaiynda Indýstriia jáne infraqurylymdyq damý ministrligi málimet taratty.
Qazaqstan aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń sheshimine sáikes túrik áýe kompaniialaryna Túrkistan – Ystanbul baǵytynda halyqaralyq turaqty reis ashýǵa jáne Shymkent – Ystanbul baǵytynda turaqty reisti qaita bastaýǵa ruqsat etildi.
Atap aitqanda, Turkish Airlines áýe kompaniiasy 22 mamyrdan bastap Túrkistan – Ystanbul – Túrkistan baǵytynda jańa reister ashýdy josparlap otyr.
Bastapqy kezeńde reister A-321Neo áýe kemesimen aptasyna 1 ret (6-shy kúni) oryndalady.
Sonymen qatar, túrikterdiń «Pegasus Airlines» áýe tasymaldaýshysy 23 mamyrdan bastap Shymkent jáne Ystanbul qalalary arasynda turaqty reisterdi oryndaýdy qaita bastaýdy josparlap otyr.
Reister bastapqy kezeńde B-737 áýe kemesimen aptasyna 1 reis (7 kún boiynsha) oryndalady.
Epidemiologiialyq jaǵdaidyń jaqsarýyna qarai reister sanyn kezeń-kezeńimen ulǵaitý josparlanyp otyr.
Reister sanitarlyq-epidemiologiialyq talaptardy qatań saqtai otyryp jáne áýe kompaniialarynyń saittarynda jariialanǵan kestege sáikes oryndalady.
