Foto: Gov.kz
Sońǵy úsh jylda kompaniia 50-ge jýyq mektepti jabdyqtaǵan. Munda «Jaily mektep» standartyna sai jihazdar, «KAZMEDPRIBOR» kompaniiasymen birlesip, meditsina mekemelerine arnalǵan jabdyqtar jasalady, dep habarlaidy «Ult aqparat».
Prezident tońazytqysh jáne muzdatqysh jabdyqtaryn óndiretin «Jasyl suyq Qazaqstan» kásipornynyń óndiris alańyna bardy.
Ónimderin Ortalyq Aziia elderine importtap kele jatqan bolgariialyq UBC Group holdingi Túrkistan oblysynda eki iri óndiris jelisin ashý jóninde sheshim qabyldaǵan. Investor jobanyń birinshi kezeńine 5 million eýro kóleminde qarjy quiady. «SPK TURKISTAN» aýmaǵyndaǵy óndiris alańynda 350-ge jýyq jumys orny ashylady. Al «Turan» arnaiy ekonomikalyq aimaǵynda iske qosylatyn ekinshi zaýytqa 7,5 milliard teńge investitsiia salynady. Nátijesinde aiyna 10 myńǵa deiin tońazytqysh jabdyǵyn shyǵaryp, myń adamdy jumyspen qamtý josparlanyp otyr.
Qasym-Jomart Toqaev «Turan Su» mekemesiniń qyzmetimen tanysty.
2019 jyly qurylǵan kásiporynnyń negizgi mindeti – memleket menshigindegi irrigatsiialyq júieler men gidrologiialyq qurylys jailaryn kútip ustaý, jóndeý jáne rekonstrýktsiialaý, eldi mekenderdi aǵyn sýmen qamtamasyz etý. «Turan Su» basshylyǵy jumysty tiimdi uiymdastyryp, tabysty eseleý arqyly qosymsha investitsiialyq jobalardy júzege asyra bastaǵan. Atap aitqanda, biyl kásiporyn indýstriialyq park aýmaǵynda jylyna 9 myń gektarǵa tamshylatyp sýarý júiesin shyǵaratyn óndiristi iske qosty. Keleshekte kásiporyn sýarý júielerine arnalǵan parabolalyq naýalar óndirisin jolǵa qoimaq.
Qasym-Jomart Toqaev óńirdegi investitsiialyq jobalar shoǵyrlanǵan «SPK TURKISTAN» óndiristik parkin aralap kórdi.
Óndiristik parktiń qurylysy 100 gektar jerge salynady. Qurylys eki kezeń boiynsha júzege asyrylady. Indýstriialyq alańnyń birinshi kezeńinde 30 gektar jer telimi bólinip, tiisti infraqurylymmen jáne kommýnikatsiia jelilerimen qamtamasyz etildi. Bastapqyda jalpy quny 96,9 milliard teńgeni quraityn 29 investitsiialyq jobany iske asyrý josparlanǵan. Búginde investitsiia kólemi 36,5 milliard teńge bolatyn 8 óndiris iske qosylyp, 712 jańa jumys orny ashyldy.
Memleket basshysy, eń aldymen, kókónis saqtaý qoimasymen tanysty.
Munda 3,5 myń tonna kókónis pen 500 tonna bakaleia ónimderin saqtap, Túrkistan, Kentaý jáne Arys qalalaryn maýsymaralyq kezeńde azyq-túlikpen qamtamasyz etedi. Jobany «Túrkistan» áleýmettik-kásipkerlik korporatsiiasy men «M-Adal» kompaniiasy júzege asyrdy. Aldaǵy ýaqytta aimaqtaǵy Leńgir, Jetisai, Shardara, Saryǵash sekildi iri eldi mekenderdi áleýmettik mańyzy bar azyq-túlikpen qamtamasyz etý úshin Saryaǵash qalasynan 2 myń tonnalyq qoima salý josparlanǵan.
Qasym-Jomart Toqaevqa jańbyrlatyp jáne tamshylatyp sýarý júielerin shyǵaratyn «BNK Group» seriktestiginiń óndiris tsehtary tanystyryldy.
Kásiporyn amerikalyq «Nelson Irrigation» kompaniiasymen birlesip, «BNK IRRIGATION» saýda belgisimen ainalmaly jáne frontaldy jańbyrlatqysh mashinalar óndirisin iske qosqan. Kelesi kezekte tamshylatyp sýarý qondyrǵylaryn shyǵaratyn eki zaýyt ashýdy kózdep otyr. Prezident tapsyrmasyna sáikes, bul 2030 jylǵa deiin oblysta 216,3 myń gektar jerge sý únemdeý tehnologiiasyn engizýge múmkindik beredi.
