Qostanai oblysynda oryn alǵan tabiǵi apatqa bailanysty «AMANAT» partiiasy Túrkistan oblystyq filialy janynan zardap shekkenderge gýmanitarlyq kómek qabyldaý pýnkti ashyldy. Onda janashyr azamattar tarapynan kórsetiletin qaiyrymdylyq kómekti atalǵan óńirge jóneltý sharalary uiymdastyrylady. «Jastar ruhy» jastar qanaty Túrkistan oblystyq filialynyń múshelerinen volonterler toby qurylyp, jumysyn bastady.
Búgin Túrkistan qalalyq máslihat depýtaty Aqiqat Abdýllaev alǵashqylardyń biri bolyp óz kómegin qabyldaý pýnktine jetkizdi. Ol qostanailyqtarmen osyndai qiyn sátte birge ekenin jáne jaǵdaidyń tezirek turaqtalýyn tileitinin aitty. Sondai-aq Maqtaaraldaǵy sý tasqyny, Arystaǵy apat kezinde eldiń ár túkpirinen onyń ishinde Qostanai jurtshylyǵy da igi isten qapy qalmai qoldaý bildirgenin atap ótti.
Qabyldaý pýnktinde jolǵa jaramdy ári qajetti azyq-túlik ónimderi, gigienalyq zattar, kiim-keshek, tósek buiymdary jinaqtalady. Túrkistandyqtardy qaiyrymdylyq sharaǵa belsendi atsalysýǵa shaqyramyz!
Qabyldaý pýnktiniń meken-jaiy:
Túrkistan qalasy, O.Musabekov kóshesi №2A ǵimaratynda ornalasqan COWORKING ortalyǵy
Bailanys nómir: +7 776 373 96 96
