Túrkistan oblys prokýratýrasy «Túrkistan - qaýipsiz qala» jobasyn engizý jáne iske asyrý jóninde mekemearalyq májilis uiymdastyrdy.
Atalǵan is-sharaǵa oblys ákimi men quqyq qorǵaý, jergilikti atqarý jáne ýákiletti memlekettik organdarynyń basshylary qatysty. Joba Elbasynyń qazan aiyndaǵy quqyq qorǵaý organdarynyń qyzmetin qaita qurý jáne qaýipsiz ortany qalyptastyrý jónindegi Joldaýy negizinde Túrkistan oblysy prokýratýrasynyń bastamasymen ázirlengenin atap ótken jón.
«Túrkistan - qaýipsiz qala» jobasy 3 negizgi baǵytty qamtidy. Birinshi baǵyt qylmystylyqty tómendetý, al ekinshi baǵyt qaýipsizdikti qamtamasyz etý jáne úshinshisi qoǵamdyq saiasi ahýalǵa áser etetin máselelerdi sheshý. Talqylaý nátijesimen joba múddeli organdar tarapynan qoldaý taýyp, qala ákimimen bekitildi. Hattama sheshimimen quqyq qorǵaý, jergilikti atqarý jáne ýákiletti memlekettik organdaryna josparlanǵan is-sharalardy merziminde jáne sapaly iske asyrý jóninde naqty tapsyrmalar berildi.
Al bul baǵdarlamanyń júzege asyrylýy ultaralyq qaqtyǵystardyń týyndaý sebepterin taldaý, áleýmettik jelilerge monitoring júrgizip, ekstremizm men terrorizm qaýipi bar saittardy anyqtaý, memlekettik qyzmetkerlerdiń biliktilik talaptaryn arttyrý, tótenshe jaǵdailar salasynda taldaý júrgizý, adamdar kóp shoǵyrlanatyn jerlerde tótenshe jaǵdailardyń aldyn alý boiynsha profilaktikalyq sharalardy júrgizýde mańyzdylyǵyn kórsetip otyr.
