Túrkistan qalasynyń jańadan taǵaiyndalǵan ákimi Rashid Aiýpov oblys ortalyǵy logotipiniń birneshe jobasyn usyndy. Bul týraly qala ákimdiginiń Facebook áleýmettik jelisindegi resmi paraqshasynda jariia etildi, dep habarlaidy "Ult aqparat".
Ákim osy jobalardyń ishinen tańdalǵan úlgi qaladaǵy kóptegen nysandarda paida bolatynyn atap ótti.
«Sizderge Túrkistannyń jańa logotipiniń jobasyn usynamyn. Biz onda ejelgi jáne qazirgi zamanǵy miksti kórsetýge tyrystyq. Qala óziniń tarihi kelbetin saqtai otyryp, zamanaýi bolýy kerek. Logotiptiń negizgi saryny - Jibek joly boiyndaǵy qozǵalys. Taiaýda ol qoǵamdyq tyńdaýda, sodan keiin máslihat sessiiasynda talqylanatyn bolady. Eger bekitilse, jańa logotip qaladaǵy kóptegen nysandarda paida bolady», - dedi qala ákimi Rashid Aiýpov.
