Túrkistan oblysy ákimi Ómirzaq Shókeev jańa nysandardy aralap, ǵimarattardyń ainalasyn abattandyrý men kógaldandyrý jumystarymen tanysty. Bul týraly ákimdiktiń baspasóz qyzmeti habarlady, dep jazady QazAqparat.
Shahardyń klimatyn eskere otyryp, qala syrtynda kógaldandyrýdyń úzdiksiz júiesin jáne Syrdariia ózeniniń tabiǵi ósimdikter dúniesimen qosylýdy qamtamasyz etetin jasyl beldeýdi qalyptastyrylǵan. Kógaldandyrýdyń jalpy aýdany 13 myń gektardy quraidy. Jasyl alqap Túrkistannyń tabiǵi tynysyna ainalyp, nátijesinde, aýa tazaryp, qala shań men jeldi daýyldan qorǵalady dep kútilýde. Túrkistan qalasynda búginde
Máselen, jalpy aýmaǵy 38 gektardy quraityn «Tuńǵysh Prezident saiabaǵynda» syiymdylyǵy 100 tekshe metr bolatyn jasandy aral paida boldy. Ol úshin sý uńǵymasy men rezervýar salynǵan. 10 myńǵa jýyq aǵash otyrǵyzylyp, joldar tóseldi.
Sattarhanov kóshesiniń boiyndaǵy «Jelilik saiabaqtyń» da jer kólemi 20 gektardan asady. Saiabaqta 5 myńǵa jýyq aǵash, 25 myńǵa jýyq jasyl buta egilip, jasandy toǵan ornatylǵan.
Túrkistan qalasynyń aýmaǵy 19 627 gektardan 22 370 gektarǵa ulǵaityldy.
Bas jospar boiynsha qalanyń damý satylary belgilengen. Alǵashqysy 2020 jyly bastalyp, 2025 jyly aiaqtalady dep josparlanǵan. Ekinshi kezeńi – 2035 jyly, úshinshi kezeńi - 2050 jyly aiaqtalady. 2025 jylǵa deiin qala turǵyndarynyń sanyn 250 myńǵa deiin, 2035 jylǵa qarai - 350 myń adamǵa deiin jetedi. 2050 jyly - 500 myń bolady.
200 myńǵa jýyq turǵyny bar Túrkistannyń damý múmkindikteri aýqymdy. Qala aýmaǵynda óndiristik, kommýnaldyq jáne infraqurylym qyzmetin qamtamasyz etetin nysandardy ornalastyratyn aimaqtar belgilenip, bekitilgen. Bul óz kezeginde Túrkistannyń investorlar úshin tartymdylyǵyn arttyra túsedi. Týrizm jáne ónerkásip – Túrkistan damýynyń negizgi eki baǵyty. Qalanyń bir jylda millionnan astam týristti qabyldaýǵa múmkindigi bar. Keleshekte bul kórsetkishti 5 millionǵa jetkizý josparlanyp otyr.
Qazirgi tańda qalada 11 kieli nysan men murajai, 6 rýhani-mádeni nysan, 4 týroperator kelýshilerge óz qyzmetin usynýda.
