Túrkistan oblysynda birneshe kóliktiń qatysýymen jol-kólik oqiǵasy boldy, dep habarlaidy QazAqparat.
3 qazan kúni Túrkistan qalasynda birneshe avtokóliktiń qatysýymen jol-kólik oqiǵasy boldy.
Jol apaty ornyna birden tártip saqshylary shyqty.
Politseilerdiń anyqtaýynsha Túrkistan qalasy Otyrar móltekaýdany men «Batys Qytai – Batys Eýropa» tasjolynda «Kamaz» markaly júk kóligi men «Toyota-camry», «RAVON» «Daewoo Nexia» markaly kólikteri soqtyǵysyp, apat bolǵan.
Jol-kólik oqiǵasynyń saldarynan «Daewoo Nexia» avtokóliginiń júrgizýshisi túrli dene jaraqatymen aýrýhanaǵa jansaqtaý bólimine jatqyzylǵan.
Atalǵan jait boiynsha «Kamaz» markaly júk kóliginiń júrgizýshisine qatysty QR QK 345-baby 2 bóligimen sotqa deiingi tergeý amaldary bastaldy.
Kólikterge materialdyq shyǵyn kelgenimen, qaza bolǵandar joq. Saraptama taǵaiyndaldy.
Oqiǵanyń basqa mán-jaiy tergeý barysynda anyqtalady. Búginde tártip saqshylary jan-jaqty tekserý júrgizip jatyr.
