QR Prezidenti Ákimshiliginiń kelisimimen jáne Túrkistan oblysynyń ákimi Ómirzaq Shókeevtiń ókimimen Rashid Aiýpov Túrkistan qalasynyń ákimi bolyp taǵaiyndaldy, dep habarlaidy "Ult aqparat" qala ákiminiń baspasóz qyzmetine silteme jasap.
Óńir basshysy Ómirzaq Shókeev jańa taǵaiyndalǵan ákimniń qyzmet jolyn jinalǵandarǵa tanystyra kelip, buǵan deiin qalany basqaryp kelgen Á.Óserbaevtyń oblys ortalyǵynda atqarǵan nátijeli eńbekterine toqtaldy.
Qalanyń jańa basshysy Rashid Aiýpov 1981 jyly 4 naýryzda Ońtústik Qazaqstan oblysy Kentaý qalasynda týǵan. Bilimi joǵary. Shymkent ýniversiteti, Shymkent áleýmettik-pedagogikalyq ýniversiteti men Akademiialyq innovatsiialyq ýniversitetin bitirgen. Mamandyǵy boiynsha biliktiligi - informatika bakalavry, memlekettik basqarý bakalavry, zańger.
«Bolashaq» baǵdarlamasynyń túlegi, Ulybritaniiada Patshaiym Mariianyń London ýniversitetin (Queen Mary University of London) aiaqtaǵan, memlekettik basqarý magistri.
Eńbek jolyn 2000 jyly Ońtústik Qazaqstan oblysynyń Kentaý qalasynda «Dáýlet» óndiristik kooperativiniń injener-operatory retinde bastaǵan.
2004-2009 jyldary Qazaqstan Respýblikasy Memlekettik qyzmet isteri agenttiginiń OQO boiynsha Aqparat jáne synaq ortalyǵynyń operatory, jetekshi sarapshysy, Qazaqstan Respýblikasy Memlekettik qyzmet isteri agenttiginiń Aqparat jáne synaq ortalyǵy direktorynyń orynbasary jáne direktory, Qazaqstan Respýblikasy Memlekettik qyzmet isteri agenttigi tóraǵasynyń kómekshisi bolyp qyzmet atqarǵan. 2009-2015 jyldary aralyǵynda Qazaqstan Respýblikasynyń Premer-Ministri Keńsesiniń memlekettik qyzmet jáne kadr jumysy bóliminiń sektor meńgerýshisi, qarjy-sharýashylyǵy jáne kadr jumysy bóliminiń bas konsýltanty, Qazaqstan Respýblikasy Premer-Ministri Keńsesi Basshylyǵy Hatshylyǵynyń bas konsýltanty laýazymdarynda eńbek etken. 2015-2018 jyldary aralyǵynda Shymkent qalasy ákiminiń apparat basshysy, Qazaqstan Respýblikasy Úkimetindegi «Nur Otan» partiiasynyń ókili, «Nur Otan» partiiasy Ortalyq apparaty Aqparattyq tehnologiialar ortalyǵynyń direktory, Shymkent qalasy ákiminiń keńesshisi laýazymdaryn atqarǵan.
2018 jyldyń qyrkúiek aiynan beri «SHYMKENT» áleýmettik-kásipkerlik korporatsiiasy» AQ basqarma tóraǵasy bolyp qyzmet atqaryp kelgen.
