Foto: okg.kz
Túrkistan óńirinde memlekettik-jekeshelik áriptestik tetigi arqyly mańyzdy jobalar iske asyrylyp jatyr. Osy baǵyttaǵy jumystar Túrkistan oblysynyń ákimi Darhan Satybaldynyń tóraǵalyǵymen ótken apparat májilisinde keńinen talqylandy. Óńir basshysy memlekettik-jekeshelik áriptestik tetigi arqyly qolǵa alynǵan jobalar sapaly atqarylýy tiis ekenin eskertti.
– Memlekettik-jekeshelik áriptestik tetigi arqyly josparlanǵan jáne júzege asyp jatqan jobalardyń bárine taldaý jasaý kerek. Tek tiimdilerin ǵana qaldyryp, áriptestikti jalǵastyramyz. Júktelgen talaptaryn oryndamai jatqandarynan bas tartamyz. Ár basqarma basshysy ózderi jetekshilik etetin salalar boiynsha kelisimsharttardy taldap, qaita pysyqtap shyqsyn. Qarjyny tiimdi paidalaný kerek, – dedi Darhan Satybaldy.
Májiliste basqarma basshylarynyń osy salada atqarylyp jatqan jumystary týraly esepteri tyńdaldy. Atap aitqanda, jalpy ekonomika, bilim, densaýlyq saqtaý, energetika jáne turǵyn úi-kommýnaldyq sharýashylyq, sport salalary jáne áleýmettik baǵyttaǵy jobalar týraly aityldy.
Oblysta memlekettik-jekeshelik áriptestik tetigi arqyly 2017-2024 jyldar aralyǵynda jalpy 204 joba boiynsha áriptestermen kelisimsharttar túzilip, 247,3 mlrd. teńgege memlekettik mindetteme alynǵan. Bilim salasy boiynsha 28,8 mlrd. teńgege 126 joba, densaýlyq saqtaý salasynda 1,5 mlrd. teńgege
17 joba, sport salasy boiynsha 13,1 mlrd. teńgege 32 joba, áleýmettik qamsyzdandyrý salasynda 13,4 mlrd. teńgege 2 joba, turǵyn úi-kommýnaldyq sharýashylyq salasy boiynsha 50,4 mlrd. teńgege 21 joba, kólik infraqurylym salasynda 133,6 mlrd. teńgege 2 joba, tsifrlandyrý salasy boiynsha oblysta 5,9 mlrd. teńgege 1 joba júzege asýda.
Búgingi tańda 69 jobanyń merzimi aiaqtalyp, 169 mlrd. teńgeniń mindettemesi tólendi. Jyl qorytyndysymen qosymsha 84 jobanyń merzimi aiaqtalady. Biyl jalpy 45,4 mlrd. teńgege mindetteme alynyp, 130 joba iske asyryldy, onyń ishinde memlekettik mindettemesiz 115 joba bar. Bilim salasyna 18 mektep-internattyń, sondai-aq memlekettik mindettemesiz 420 mekteptiń ashanasy basqarýǵa berildi. Jeke investitsiia kólemi – 2,1 mlrd. teńge, konkýrs qorytyndysymen jeke áriptester tarapynan 4 mlrd. teńgege ulǵaitýǵa usynys túsken. Nátijesinde 227 305 oqýshyny ystyq tamaqpen qamtamasyz etý kózdelgen. Mindetteme alǵan kásipkerlerge mektepterdiń ashanasyn memlekettik standartqa sáikestendirip, materialdyq-tehnikalyq bazasyn jəne as úi quraldaryn jańartý júktelgen.
Sport salasy boiynsha 5 balalar men jasóspirimder sport mektebin basqarý jobasy iske asyryldy. Turǵyn úi-kommýnaldyq sharýashylyq salasy boiynsha Túrkistan qalasyndaǵy 432 gektar aýmaqty abattandyrý jáne kútip ustaý jobasy iske asyrylýda.
Densaýlyq saqtaý salasy boiynsha oblysta birinshi kezekte qaita jańǵyrtýdy talap etetin nysandarǵa taldaý jumystary júrgizilip, 6 meditsinalyq-sanitarlyq alǵashqy kómek kórsetý nysanyn jańǵyrtý jáne paidalaný jobasy ázirlengen bolatyn. Jobaǵa sáikes jeke áriptes qazirgi mekemeniń qyzmetkerlerin tolyqtai jumysqa qabyldap, qajetti jóndeý jumystaryn júrgizedi jáne jańa meditsinalyq qural-jabdyqtarmen qamtamasyz etedi dep kózdelgen. Aita keteiik, Túrkistan oblysynyń densaýlyq saqtaý salasynda memlekettik-jekeshelik áriptestik (MJÁ) baǵdarlamasy aiasynda 2020-2023 jyldar aralyǵynda 13 feldsherlik-akýsherlik pýnkt (FAP) paidalanýǵa berilgen.
