Túrkistan shahary Dúniejúzilik mura qalalary uiymyna (DMQU) resmi túrde qabyldandy. Bul týraly qala ákimdigi resmi málimet taratty, dep habarlaidy "Ult aqparat".
Atalǵan uiymǵa múshe bolý arqyly Qoja Ahmet Iasaýi kesenesi endi týristerdiń qyzyǵýshylyǵyn odan saiyn arttyra túspek.
Sondai-aq, kún saiyn kórkeiip kele jatqan shahardyń qala statýsyn arttyryp, jergilikti turǵyndarǵa erekshe qýanysh syilaidy.
Osy maqsatta 2 sáýir kúni Túrkistan qalasynda Eýraziianyń Dúniejúzilik murasy qalalarynyń X Halyqaralyq konferentsiiasy ótedi.
Bul konferentsiia Dúniejúzilik mura qalalary uiymynyń (DMQU) seriktestigi sheńberinde uiymdastyrylmaq.
Aita keteiik, atalǵan uiym 1993 jyly 8 qyrkúiekte Fes qalasynda (Marokko) qurylǵan bolatyn.
Uiym - dúniejúzilik mura obektisin qalalyq basqarýǵa qatysty barlyq máseleler boiynsha ujymdyq keńes.
Óz aýmaǵynda IýNESKO-nyń búkilálemdik mura tizimine engizilgen 300-den astam qalamen bailanysady.
Bul qalalardyń barlyǵynda jalpy 164 millionnan astam adam turady.
