تٷركٸستان شاھارى دٷنيەجٷزٸلٸك مۇرا قالالارى ۇيىمىنا (دمقۇ) رەسمي تٷردە قابىلداندى. بۇل تۋرالى قالا ەكٸمدٸگٸ رەسمي مەلٸمەت تاراتتى, دەپ حابارلايدى "ۇلت اقپارات".
اتالعان ۇيىمعا مٷشە بولۋ ارقىلى قوجا احمەت ياساۋي كەسەنەسٸ ەندٸ تۋريستەردٸڭ قىزىعۋشىلىعىن ودان سايىن ارتتىرا تٷسپەك.
سونداي-اق, كٷن سايىن كٶركەيٸپ كەلە جاتقان شاhاردىڭ قالا ستاتۋسىن ارتتىرىپ, جەرگٸلٸكتٸ تۇرعىندارعا ەرەكشە قۋانىش سىيلايدى.
وسى ماقساتتا 2 سەۋٸر كٷنٸ تٷركٸستان قالاسىندا ەۋرازييانىڭ دٷنيەجٷزٸلٸك مۇراسى قالالارىنىڭ X حالىقارالىق كونفەرەنتسيياسى ٶتەدٸ.
بۇل كونفەرەنتسييا دٷنيەجٷزٸلٸك مۇرا قالالارى ۇيىمىنىڭ (دمقۇ) سەرٸكتەستٸگٸ شەڭبەرٸندە ۇيىمداستىرىلماق.
ايتا كەتەيٸك, اتالعان ۇيىم 1993 جىلى 8 قىركٷيەكتە فەس قالاسىندا (ماروككو) قۇرىلعان بولاتىن.
ۇيىم - دٷنيەجٷزٸلٸك مۇرا وبەكتٸسٸن قالالىق باسقارۋعا قاتىستى بارلىق مەسەلەلەر بويىنشا ۇجىمدىق كەڭەس.
ٶز اۋماعىندا يۋنەسكو-نىڭ بٷكٸلەلەمدٸك مۇرا تٸزٸمٸنە ەنگٸزٸلگەن 300-دەن استام قالامەن بايلانىسادى.
بۇل قالالاردىڭ بارلىعىندا جالپى 164 ميلليوننان استام ادام تۇرادى.
