Foto: Túrkistan oblysy ákiminiń baspasóz qyzmeti
Túrkistan oblysynda «Bir aýyl – bir ónim» jobasy aiasynda 4 kásipkerdiń ónimi úzdik dep tanyldy. Kásipkerler palatasynda ótken Brend komitet otyrysynda kásipkerler óz ónimin tanystyryp, komissiia músheleri baǵalaý paraǵy arqyly tiisti talaptarǵa sáikes óz baǵalaryn berdi, dep habarlaidy «Ult aqparat».
Joba úzdigi atanǵan kásipkerlerge sertifikat tabystalyp, respýblikalyq deńgeide súiemeldeý jumystary júrgiziledi. «Bir aýyl – bir ónim» kem degende bir básekege qabiletti ónim óndirý jolymen aýyldy damytý tujyrymdamasyna negizdelgen jergilikti shikizattan ónimdi ázirleý jáne ilgeriletý jónindegi qyzmetterdi usynýǵa baǵyttalǵan joba.
«Biyl jobaǵa qatysýǵa nietti kásipkerlerden 60-tan astam ótinim túsip, 39 ónim 16 tamyz kúni ótken «Bir aýyl – bir ónim» jobasynyń kórmesine qatysty. Jumysshy top kórmege qatysýshy kásipkerlerdiń ónimderin saralai kele 10 ónimdi úzdik dep tanydy. Onyń ishinde tórt kásipker oblystyń úzdigi atandy. Bul jobany kórshiles Qyrǵyzstan memleketi myqtap qolǵa alǵan. Baýyrlas eldiń kásipkerlerimen tájiribe almasý maqsatynda óńir kásipkerlerine arnaiy týr uiymdastyrylatyn bolady», - dedi Túrkistan oblysy kásipkerler palatasynyń direktory Asylan Ibadýllaev.
Negizinen joba Japoniiada XX ǵasyrdyń 70-shi jyldarynda engizildi. Jobanyń negizin qalaýshy Oita prefektýrasynyń burynǵy gýbernatory Morihiko Hiramatsý. Jiyn qorytyndysy boiynsha kymyz óndirýshi Amantai Shynbergenov, dástúrli qolónerdi dáriptep júrgen Janat Pazylbekova men Nurbibi Omarova, qysh qumyra sheberi Janzak Erimbetov 2024 jyldyń jeńimpazdary atandy.
