Foto: Túrkistan oblysy ákiminiń baspasóz qyzmeti
Respýblikadaǵy iri qara mal sanynyń 13 paiyzy, qoidyń 22 paiyzy, jylqynyń 11 paiyzy, túieniń 15 paiyzy, óndirilgen ettiń 11 paiyzy, súttiń 13 paiyzy Túrkistan oblysynyń enshisinde. Oblysta mal sharýashylyǵynyń damýy elimizde jetekshi orynda, dep habarlaidy «Ult aqparat».
9 aida. 153,2 myń tn et, 354,8 myń tn sút, 190,2 mln. dana jumyrtqa óndirildi. Et eksporty boiynsha oblys respýblikada kósh bastap tur. Eksportqa shyǵarylatyn iri qara mal etiniń 80%-y, usaq mal etiniń – 75%-y Túrkistan oblysynda óndirilýde.
2024 j. 9 aiyna 10,0 myń tonna IQM, 4,6 myń tonna qoi eti eksportqa shyǵaryldy.
Et eksportynyń áleýetin arttyrýda óńirde bordaqylaý alańdary men keshenderin júieli damytý ońdy septigin tigizýde.
Óńirde jalpy 9 183 birlik iri qara mal bordaqylaý alańy bar. Onyń ishinde, 400 basqa deiin 9148 birlik, 400 bastan – 1000 basqa deiin 13 birlik, 1000 bastan joǵary 22 birlik mal bordaqylaý alańdary jumys jasaýda.
Sút óndirisin ulǵaitý, óńdeý kásiporyndarynyń qýattylyǵyn arttyrý boiynsha SQO tájiribesimen jalpy quny 4,8 mlrd. teńgeni quraityn 400 bastan joǵary 2 iri taýarly sút fermalary investitsiialyq jobalary júzege asyryldy (809 bas). Bul jobalardy qoldaýǵa Respýblikalyq biýdjetten jyldyq 2,5 % mólsherlememen 3,8 mlrd. teńge nesie qarjy bólindi. Olar. «BNK AGRO KZ» JShS, «Bórte Milka» JShS.
Jobalar Túrkiialyq «Sezer», Shvetsiialyq «De-Ieval» avtomatty tehnologiialyq qondyrǵylarymen jabdyqtalady. Búgingi kúnge, Daniia, Vengriia memleketterinen ónimdiligi joǵary Golshtein tuqymdy 539 bas analyq iri qara mal ákelindi. Osy jobalar arqyly jylyna qosymsha 8,5 myń tonna sút óndiriledi.
Naryqty otandyq ónimdermen tolyqtyrýda iri investitsiialyq jobalardyń mańyzdylyǵy joǵary. 2024 jyly 9 aida quny 28,1 mlrd. teńgege 26 joba júzege asyrylyp, 194 jańa jumys orny ashyldy. Mal sharýashylyǵyn damytýda investorlar qoi jáne iri qara mal etiniń jahandyq top-óndirýshileriniń bestigine kiretin, álemniń eń iri eksporttaýshysy Avstraliia ádisin paidalanýǵa nietti.
Avstraliia tájiribesin engizý maqsatynda, jalpy quny 55,2 mlrd. teńgege 5 iri investitsialyq jobany júzege asyrý kózdelýde. 600 jańa jumys oryndary ashylady dep kútilýde.
