Túrkiianyń Manisa provintsiiasy Týrgýtlý aýdanynda mektep mańynda atys bolyp, 11 oqýshy jaraqat aldy. Zardap shekkenderdiń ekeýiniń jaǵdaiy aýyr, dep habarlaidy ult.kz.
Oqiǵa 22 qyrkúiek kúni tańǵy saǵat 08:00 shamasynda bolǵan. Túrkiialyq BAQ-tyń habarlaýynsha, qarýly adam mektep mańynda oq atyp, keiin oqiǵa ornynan qashyp ketken. Kúdikti kóp uzamai qolǵa túsken.
Aldyn ala málimet boiynsha, atys jasaǵan adam — osy mekteptiń 15 jastaǵy oqýshysy. Alaida onyń kim ekeni jáne shabýyldyń naqty qalai bolǵany ázirge tolyq naqtylanbaǵan.
Áleýmettik jelide taraǵan beinebaqylaý jazbasynan mektep mańynda qolynda qarýy bar adamnyń júrgeni, keiin oqiǵa ornynan qashyp ketkeni kórinedi.
Alǵashqy aqparatta jaralanǵandar sany az kórsetilgenimen, keiin olardyń sany 11 adamǵa jetkeni belgili boldy.
Qazir politsiia oqiǵanyń mán-jaiyn jáne atysqa ne sebep bolǵanyn anyqtap jatyr. Osy derek boiynsha tergeý bastaldy.
