Erteń Túrki Keńesi Prezidentteriniń koronavirýsqa qatysty kezekten tys beinesammiti ótedi. Bul týraly Qazaqstan Prezidentiniń baspasóz hatshysy Berik Ýáli jelidegi paraqshasynda jazdy, dep habarlaidy "Ult aqparat".
Erteń, iaǵni sáýirdiń 10-y kúni Túrki Keńesiniń memleket basshylary «COVID-19» pandemiiasyna qarsy kúreske arnalǵan beinekonferentsiia ótkizedi. Atalǵan beinejiynǵa Qazaqstan Prezidenti Qasym-Jomart Kemeluly da qatysatynyn rastady.
Sondai-aq Túrki Keńesiniń qazirgi Tóraǵasy, Ázerbaijan Respýblikasynyń Prezidenti Ilham Álievtiń bastamasymen shaqyrylǵan bul Sammitke Qyrǵyz Respýblikasynyń Prezidenti Sooronbai Jeenbekov, Túrik Respýblikasynyń Prezidenti Redjep Taiip Erdoǵan, Ózbekstan Respýblikasynyń Prezidenti Shavkat Mirziioev, Túrikmenstan Prezidenti Gýrbangýly Berdimuhamedov, Majarstan Premer-ministri Viktor Orban jáne Túrki Keńesiniń Bas hatshysy Baǵdad Ámireev qatysady.
Beinekonferentsiiada Dúniejúzilik densaýlyq saqtaý uiymynyń Bas direktory doktor Tedros Adhanom Gebreiesýs ta bolady.
Sammitte memleketter basshylary koronavirýs indetine qarsy kúreske ulttyq deńgeide qabyldanǵan sharalar, densaýlyq saqtaý salasynda kópjaqty yntymaqtastyqty damytý jáne óńirde «COVID-19» indetiniń órshýin týyndatqan ortaq máselelerdi sheshý týraly pikir almasady.
Olar koronavirýstyń ulttyq jáne álemdik ekonomikaǵa teris áserin joiý joldaryn talqylap, daǵdarys ýaqytynda jáne pandemiiadan keiingi kezeńde saýda ekonomikalyq qatynastardy jalǵastyrý jáne kedergisiz tasymaldaýdy qamtamasyz etý úshin bolashaqta birlesken kúsh-jiger men ortaq sharalardy qabyldaý máseleleri tóńireginde pikir almasady.
Sammit sońynda memleketter basshylary birlesken Deklaratsiiasyn qabyldaidy.
