Nur-Sultan qalasynda Túrki Keńesiniń Bas hatshysy Baǵdad Ámireev Qazaqstan Respýblikasynyń Syrtqy ister Ministri, Muhtar Tileýberdimen kezdesti.
Bul týraly QazAqparat Túrki keńesiniń baspasóz qyzmetine silteme jasap habarlaidy.
Kezdesý barysynda Bas hatshy men ministr aldaǵy 2019 jyly 15 qazanda Baký qalasynda ótetin Túrki Keńesiniń 7-shi Sammitiniń daiyndyq máselelerin talqylady. Sóz arasynda ministr Muhtar Tileýberdi Túrki memleketteri yntymaqtastyq keńesiniń 7-shi Sammiti barlyq múshe memleketterdiń múddelerine qyzmet etetin halyqaralyq uiymnyń tarihyndaǵy airyqsha oqiǵa bolatynyn atap ótti.
Sondai-aq, taraptar Ózbekstannyń Túrki keńesine tolyqqandy múshe retinde kirýine, Majarstannyń baiqaýshy el retinde Keńestiń Eýropalyq ofis-ókildiktiń ashylýyna, Uiymnyń ekonomikalyq vektorynyń nyǵaiýyna, onyń basqa da halyqaralyq uiymdarmen yntymaqtastyqtyń barysyna qanaǵattanýshylyq bildirdi.
QR Syrtqy ister ministri Bas Hatshyǵa Uiymǵa múshe memleketter arasyndaǵy yntymaqtastyqty ári keńeitý jolyndaǵy jumystaryna sáttilik tilep, aldaǵy Sammit Túrki Keńesiniń múshe elderiniń birligin odan ári nyǵaitý jolynda mańyzdy bir qadam bolatynyna senim bildirdi.
