نۇر-سۇلتان قالاسىندا تٷركٸ كەڭەسٸنٸڭ باس حاتشىسى باعداد ەمٸرەەۆ قازاقستان رەسپۋبليكاسىنىڭ سىرتقى ٸستەر مينيسترٸ, مۇحتار تٸلەۋبەردٸمەن كەزدەستٸ.
بۇل تۋرالى قازاقپارات تٷركٸ كەڭەسٸنٸڭ باسپاسٶز قىزمەتٸنە سٸلتەمە جاساپ حابارلايدى.
كەزدەسۋ بارىسىندا باس حاتشى مەن مينيستر الداعى 2019 جىلى 15 قازاندا باكۋ قالاسىندا ٶتەتٸن تٷركٸ كەڭەسٸنٸڭ 7-شٸ سامميتٸنٸڭ دايىندىق مەسەلەلەرٸن تالقىلادى. سٶز اراسىندا مينيستر مۇحتار تٸلەۋبەردٸ تٷركٸ مەملەكەتتەرٸ ىنتىماقتاستىق كەڭەسٸنٸڭ 7-شٸ سامميتٸ بارلىق مٷشە مەملەكەتتەردٸڭ مٷددەلەرٸنە قىزمەت ەتەتٸن حالىقارالىق ۇيىمنىڭ تاريحىنداعى ايرىقشا وقيعا بولاتىنىن اتاپ ٶتتٸ.
سونداي-اق, تاراپتار ٶزبەكستاننىڭ تٷركٸ كەڭەسٸنە تولىققاندى مٷشە رەتٸندە كٸرۋٸنە, ماجارستاننىڭ بايقاۋشى ەل رەتٸندە كەڭەستٸڭ ەۋروپالىق وفيس-ٶكٸلدٸكتٸڭ اشىلۋىنا, ۇيىمنىڭ ەكونوميكالىق ۆەكتورىنىڭ نىعايۋىنا, ونىڭ باسقا دا حالىقارالىق ۇيىمدارمەن ىنتىماقتاستىقتىڭ بارىسىنا قاناعاتتانۋشىلىق بٸلدٸردٸ.
قر سىرتقى ٸستەر مينيسترٸ باس حاتشىعا ۇيىمعا مٷشە مەملەكەتتەر اراسىنداعى ىنتىماقتاستىقتى ەرٸ كەڭەيتۋ جولىنداعى جۇمىستارىنا سەتتٸلٸك تٸلەپ, الداعى سامميت تٷركٸ كەڭەسٸنٸڭ مٷشە ەلدەرٸنٸڭ بٸرلٸگٸن ودان ەرٸ نىعايتۋ جولىندا ماڭىزدى بٸر قادام بولاتىنىنا سەنٸم بٸلدٸردٸ.
