«Túrki memleketteriniń bedeli men ekonomikalyq qýatynyń artýy óńirlik aýqymda yntymaqtastyqty barǵan saiyn tartymdy etedi. «Túrkistan – túrki áleminiń rýhani astanasy atty» halyqaralyq beinekonferentsiiada Syrty ister ministriniń birinshi orynbasary Shahrat Nuryshev osyndai pikir bildirdi, dep habarlaidy QazAqparat.
«Prezident Qasym-Jomart Toqaevtyń tóraǵalyǵymen ótken Túrkistan sammitine Elbasy, Ázerbaijan, Túrkiia, Ózbekstan, Qyrǵyzstan Prezidentteri, Majarstan Premer-Ministrimen qatar Túrikmenstan Prezidenti qurmetti qonaq retinde qatysty. Muny pandemiiaǵa qaramastan, túrki áleminiń aýyzbirliginiń belgisi dep aitýǵa bolady. Qala mádenieti men dala mádenieti ushtasqan Qazaq handyǵynyń astanasy, barshamyzǵa ortaq Túrkistan qalasy budan bylai Túrki keńesi memleketteriniń basshylary qabyldaǵan Túrkistan deklaratsiiasymen kúlli túrki áleminiń rýhani astanasy retinde tarihta qalatyny qýantady», - degen vitse-ministr.
Ol Túrki keńesiniń Túrkistandaǵy beiresmi sammiti syrtqy saiasat turǵysynan birneshe ereksheliktermen halyqaralyq qaýymdastyqtyń nazaryn aýdarǵanyn atady.
«Eń aldymen, sońǵy jyldary bizdiń memleketterimiz basshylarynyń saliqaly saiasatynyń nátijesinde túrki integratsiiasy jańa deńgeige kóterilip, túrki renessansyn bastan keshirýdemiz. Jýyrda Túrkistanda ótken sammitte kóterilgen tyń bastamalar – sonyń aiqyn dáleli. Ortaq tamyry, tarihi, mádeni jáne ulttyq qundylyqtar bar túrki memleketteriniń ósip kele jatqan bedeli men ekonomikalyq qýaty halyqaralyq jáne óńirlik aýqymda yntymaqtastyqty barǵan saiyn tartymdy ete túsýde», - dedi SIM ókili.
Syrtqy ister ministriniń birinshi orynbasary túrkitildes memleketterdiń aýmaǵynda energetikalyq resýrstardyń bolýy jáne qolaily geografiialyq turǵyda urymtal ornalasýy týystas elderdi jahandyq ekonomikanyń mańyzdy quramdas bóligi retinde aiqyndap jatqanyn atady.
