Túrki áleminiń ortaq álipbii qabyldandy

Foto: pexels.com

Túrki áleminiń ortaq álipbii qabyldandy. Bul týraly Túrki akademiiasy saitynda habarlandy.

"9-11 qyrkúiegi aralyǵynda Bakýde Halyqaralyq Túrki Akademiiasy men Túrik tili qoǵamy birlesip uiymdastyrǵan Túrki álemi ortaq álipbii komissiiasynyń úshinshi otyrysy nátijeli ótti", - delingen habarda.

Bul mańyzdy jiynǵa túbi bir baýyrlas elderden Túrki memleketteri uiymy tarapynan qurylǵan ortaq álipbi komissiiasynyń músheleri qatysqan.

Jiynnyń negizgi maqsaty – eki jyldyq birlesken jumys nátijesinde jinaqtalǵan bilim men tájiribeni paidalana otyryp, túrki tilderine ortaq álipbi úlgisin ázirleý boldy.

Jiyn barysynda ǵalymdar alǵash ret 1991 jyly usynylǵan latyn qaripi negizindegi "Ortaq túrki álipbii" jobasy jan-jaqty qarastyrdy.

Komissiia músheleri atalǵan jobany jetildire túsýdi kózdeitin kóptegen usynystarǵa qatysty egjei-tegjeili talqylaýlar júrgizip, qajetti qorytyndylar jasady.

"Osy qajyrly jumystyń nátijesinde 34 áripten turatyn ortaq túrki álipbii týraly usynys boiynsha kelisimge qol jetkizildi. Ár árip túrki tilderinde kezdesetin ártúrli fonetikalyq dybysty bildiredi.
Bul basqosýdyń osylaisha tabysty aiaqtalýyn tarihi sát retinde baǵalaýǵa bolady. Ortaq túrki álipbiiniń damýy túrki halyqtarynyń tildik muralaryn saqtai otyryp, ózara túsinistik pen yntymaqtastyqty nyǵaita túsýge yqpal etedi", - delingen habarda.

Halyqaralyq Túrki Akademiiasy men Túrik tili qoǵamy túbi bir túrki memleketteriniń úkimetteri men komissiia múshelerine osy úderiske qosqan zor úlesteri úshin rizashylyǵyn bildirdi.

"Barlyq tiisti mekemeler usynylyp otyrǵan ortaq túrki álipbiin júzege asyrýǵa belsendi túrde qoldaý kórsetýge shaqyrylady", - delingen habarda.