Foto: Akorda.kz
Memleket basshysy Qasym-Jomart Toqaev "Túrki álemi" atty jańa brendti dáripteýge shaqyrdy, - dep habarlaidy "Ult aqparat" Aqordanyń baspasóz qyzmetine silteme jasap.
"Túrki jurty Baikaldan Balqanǵa deiingi ulan-ǵaiyr aýmaqty jailap jatyr. Túrki áleminiń órkenieti Uly daladan bastaý alatyny barshaǵa málim. Osy ortaq qundylyqtarymyzdyń murageri – Túrki memleketteri uiymy.
Qazaqstan Túrki memleketteri uiymyn odan ári damytýǵa múddeli. Túrki yqpaldastyǵyn tereńdetý – ortaq murat. Biz "Túrki álemi" atty jańa brendti dáripteýimiz kerek. Sonda ǵana túrki halyqtarynyń yntymaǵy barynsha nyǵaiyp, áleýeti arta túsedi", - dedi Prezident.
Memleket basshysy Qazaqstan uiymǵa tóraǵa retinde ózara is-qimyldy jandandyrýǵa basa mán berip otyrǵanyn basa aitty.
«Sondai-aq biz túrli saladaǵy bailanysty ornyqtyrýǵa, halyqaralyq bedelimizdi kóterýge kúsh salamyz.
Túrki birligin tanytý úshin bizdiń tóraǵalyǵymyz „TÚRKI DÁÝIRI!“, iaǵni „TURKTIME!“ uranymen ótedi. Osyǵan orai, salt-dástúr (Traditions), birizdendirý (Unification), reformalar (Reforms), ǵylym (Knowledge), senim (Trust), investitsiia (Investments), mediatsiia (Mediation) jáne energiia (Energy) atty segiz máselege basymdyq beremiz. Bul basymdyqtar uiymnyń 20-shy sammitine deiingi on jyldy qamtityn qysqa jáne orta merzimge arnalǵan», — dedi Qasym-Jomart Toqaev.
