Týrizmdi damytý baǵytynda 30 zákirli joba qolǵa alynbaq. Bul týraly Mádeniet jáne sport ministri Aqtoty Raiymqulova halyqqa esep berý jiynynda aitty, dep habarlaidy QazAqparat.
«Týrizm salasynda josparlanǵan 30 zákirli investitsiialyq jobany iske asyrý josparlanyp otyr. Onyń ishinde Aqtaý kýrort aimaǵyn damytý barysynda Aqtaý qalasynda kópfýnktsionaldy týristik keshenniń qurylysyn jalǵastyrý (taqyryptyq park, golf klýb, saýda ortalyǵy, qonaq úiler), Mańǵystaý oblysyndaǵy «Nur» kópfýnktsionaldy emdeý-saýyqtyrý kesheni, Almaty qalasyndaǵy «Holiday Inn Express» qonaq úii, TOP-10 týristik destinatsiiasy siiaqty birneshe investitsiialyq joba bar», - deidi ministr.
Mádeniet jáne sport ministri atalǵan josparlarǵa 1 trln teńgeden astam investitsiia qajet ekenin atady.
«Jalpy, jergilikti atqarýshy organdarmen birlesip, 1 trln teńgeden astam jeke jáne memlekettik investitsiialar tartyp, nátijesinde 22 myń jańa jumys ornyn qurý josparlanyp otyr», - dedi Aqtoty Raiymqulova ortalyq kommýnikatsiialar qyzmetinde ótken onlain kezdesýde.
